Па ініцыятыве Гродзенскай епархіі і пры ўдзеле клуба аматараў бегу Run4Fun 1 студзеня ў горадзе над Нёманам адбыўся забег цвярозасці. Упершыню гэтая ідэя была рэалізавана пяць гадоў таму. З тых часоў акцыя стала адным з лёгкаатлетычных аматарскіх брэндаў рэгіёну.

2 студзеня, у прадсвята Ражджаства Хрыстовага, дзень памяці святога праведнага Іаана Кранштацкага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар святога праведнага Іаана Кранштацкага горада Мінска.

У дзяржаўнай установе адукацыі «Інстытут тэалогіі імя святых Мяфодзія і Кірыла» Беларускага дзяржаўнага ўніверсітэта з 2012 года працуе Музей Бібліі. Музей адкрыты для наведвання арганізаванымі групамі навучэнцаў сярэдніх агульнаадукацыйных навучальных устаноў і нядзельных школ.

Першы дзень Новага 2019 года ў сталічным прыходзе іконы Божай Маці «Няўпіўная Чаша» быў адзначаны хрэсным ходам цвярозасці. Па традыцыі, у гэты дзень, які з'яўляецца пікам ўжывання алкаголю ў годзе, у прыходзе збіраюцца разам людзі, якія змагаюцца з цяжкай хваробай алкагольнай залежнасці, іх родныя і блізкія, усе неабыякавыя да алкагольнай праблемы.

Падведзены вынікі конкурсу «Бацюшка года — 2018», праведзенага на тэрыторыі краін СНД. У гэтым годзе перамогу ў конкурсе атрымаў настаяцель храма Праабражэння Гасподняга горада Гомеля протаіерэй Алег Кастрама. Святар узначальвае інфармацыйны аддзел Гомельскай епархіі. У гэтай якасці ён удзельнічаў у грантавым конкурсе «Праваслаўная ініцыятыва» ў 2012 годзе, стаўшы адным з пераможцаў з праектам «Тэлеканал "Праваслаўны Гомель"».

У Віцебскай абласной бібліятэцы адбылася прэзентацыя факсімільнага выдання першага «Буквара» (1618 года). Мерапрыемства наведалі студэнты 5 курса Віцебскай духоўнай семінарыі.

У адказ на ліст Свяцейшага Патрыярха Канстанцінопальскага Варфаламея, у якім ён паведамляў аб «аднаўленні ў сане» ўкраінскіх раскольнікаў і «адмене дзеяння» дакумента аб перадачы Кіеўскай мітраполіі ў юрысдыкцыю Маскоўскага Патрыярхату, які мае больш чым трохсотгадовую гісторыю, аб правядзенні ў Кіеве «памеснага сабора» прынятых у зносіны некананічных супольнасцяў, а таксама аб намеры ў бліжэйшыя дні даць заснаванай на гэтым сходзе структуры «аўтакефалію», Свяцейшы Патрыярх Маскоўскі і ўсяе Русі Кірыл накіраваў пасланне, у якім выказаў глыбокі боль, здзіўленне і абурэнне ў сувязі з антыкананічнымі дзеяннямі Канстанцінопальскага Патрыярхату.

30 снежня, у Нядзелю 31-ю пасля Пяцідзесятніцы, святых праайцоў, Ганаровы Патрыяршы Экзарх усяе Беларусі мітрапаліт Філарэт маліўся і прычасціўся Святых Хрыстовых Тайн за Бажэственнай літургіяй у дамавым храме Мінскага епархіяльнага ўпраўлення ў гонар Сабора Беларускіх святых.

30 снежня, у Нядзелю 31-ю пасля Пяцідзесятніцы, святых праайцоў, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

V Міжнародны Калядны фестываль батлеечных і лялечных тэатраў «Нябёсы» пройдзе з 10 па 13 студзеня 2019 года ў Мінску. У адукацыйным цэнтры Лізавецінскага манастыра збяруцца лепшыя батлеечныя і лялечныя тэатры з 5 краін. Фестываль уключаны ў спіс мерапрыемстваў Праграмы супрацоўніцтва паміж Міністэрствам культуры Беларусі і Беларускай Праваслаўнай Царквой на 2018-2021 гады.