Канцэрт на беразе возера адбыўся ў Астрашыцкім Гарадку 19 жніўня, у дзень Праабражэння Гасподняга. Сцэнічнае дзейства было прымеркавана да прастольнага свята мясцовага Спаса-Праабражэнскага храма і адбылося па благаславенню настаяцеля іерэя Сергія Ляшкевіча.
Былі выкананы вядомыя творы царкоўнай музыкі і аўтарскія песні прыхаджан, напоўненыя хрысціянскім сэнсам. Канцэрт наведалі больш за 100 чалавек.
Плануецца, што ў далейшым мерапрыемства стане штогадовым і набудзе фармат фестывалю.
