Конкурс дзіцячых малюнкаў «Уладычыца Белай Русі» прайшоў сярод навучэнцаў устаноў адукацыі Кіраўскага раёна.
Мерапрыемства было арганізавана аддзелам па адукацыі, спорце і турызме Кіраўскага райвыканкама і прыходам Пакроўскага храма горада Кіраўска ў рамках святкавання ў 2020 годзе 550-годдзя знойдзення Жыровіцкай іконы Божай Маці і 500-годдзя з дня заснавання Успенскага Жыровіцкага манастыра.
Прадстаўленыя работы былі выкананы графічна (каляровымі алоўкамі), у маляўнічай тэхніцы (гуаш, акварэль), а таксама ў змешаных і нетрадыцыйных тэхніках малявання.
У склад журы ўвайшлі педагогі дзіцячай школы мастацтваў Кіраўска, нядзельнай школы Пакроўскага храма Кіраўска, Цэнтра дадатковай адукацыі Кіраўска, метадыст аддзела адукацыі.
Спіс пераможцаў і фота лепшых работ даступныя на сайце Бабруйскай епархіі.
