30 сакавіка 2019 года Мінскую духоўную семінарыю наведалі ўдзельнікі велапрабегу (брэвета), арганізаванага Слонімскай камандай «Веласлонім».
Перад стартам іерэй Ігар Бабанаў здзейсніў малітву аб падарожных, акрапіў удзельнікаў велапрабегу святой вадой і прамовіў слова на дарогу. Далей удзельнікі велапрабегу зрабілі агульнае фота і стартавалі з унутранага двара Мінскай духоўнай семінарыі.
Велапрабег праходзіць па маршруце: Жыровічы — Сынкавічы — Зэльва — Галынка — Слонім — Ружаны — Косава — Івацэвічы — Жыровічы. Працягласць маршруту — 200 кіламетраў.
Брэвет — гэта велазаезд на доўгую дыстанцыю, які мае часовыя ліміты і рэгламентуецца кантрольнымі пунктамі. Стандартнымі дыстанцыямі для брэветаў з'яўляюцца 200, 300, 400, 600, 1000 і 1200 кіламетраў.
