Праграма «Дакрананне да святла», якая выходзіць на тэлеканале «СТВ» пры садзейнічанні Сінадальнага інфармацыйнага аддзела Беларускага Экзархату, стала лаўрэатам Нацыянальнага тэлевізійнага конкурсу «Тэлевяршыня». Тэлепраект увайшоў у лік трох намінантаў на галоўную ўзнагароду ў катэгорыі «Лепшая духоўна-маральная тэлепраграма» і быў удастоены дыплома Нацыянальнага конкурсу.
Штотыднёвая праграма «Дакрананне да святла» ўпершыню выйшла ў эфір у верасні 2022 года. Тэмы выпускаў прысвечаны духоўнасці і маральнасці, гісторыі Праваслаўя, царкоўным святам і значным датам, пытанням сям'і і шлюбу, розным аспектам жыцця вернікаў і актуальным выклікам сучаснасці.
Сваё архіпастырскае благаславенне на праект даў Мітрапаліт Мінскі і Заслаўскі Веніямін, Патрыяршы Экзарх усяе Беларусі, пажадаўшы аўтарам праграмы «Дапамагчы дакрануцца да таго святла, якое нясе Евангелле, кожнаму чалавеку і ўсяму грамадству».
Актуальныя выпускі і сюжэты праграмы даступныя для прагляду на афіцыйным сайце і YouTube-канале СТБ.
***
Нацыянальны тэлевізійны конкурс «Тэлевяршыня» быў заснаваны ў 2005 годзе і праводзіцца раз на два гады. У 2026 годзе медыяпрэмія прысвечана 70-годдзю беларускага тэлебачання. Для ўдзелу ў конкурсе было пададзена каля 250 заявак.
Чытайце нас у мэсэнджэрах Telegram і Viber,
