Пошук

Міжнародная навукова-практычная канферэнцыя «Гасподзь нам даруе Перамогу» праходзіць у Брэсце

22 чэрвеня 2021 Форум проходит на базе Брестского государственного технического университета. В его работе принимают участие митрополит Минский и Заславский Вениамин, Патриарший Экзарх всея Беларуси, архиепископ Брестский и Кобринский Иоанн, представители государственной власти, научного сообщества Беларуси и России, православное духовенство.

22 чэрвеня 2021 года, у дзень Усенароднай памяці ахвяр Вялікай Айчыннай вайны, у Брэсце адкрылася двухдзённая Міжнародная навукова-практычная канферэнцыя «Гасподзь нам даруе Перамогу».

Мерапрыемства прысвечана актуалізацыі пытанняў духоўнасці і патрыятызму ў сучасным грамадстве на прыкладзе аналізу шэрагу значных гістарычных падзей — 800-годдзя з дня нараджэння святога дабравернага князя Аляксандра Неўскага, 755-годдзя ўкняжэння святога дабравернага князя Цімафея Даўмонта, 80-годдзя пачатку Вялікай Айчыннай вайны і прамаўлення «Паслання пастырам і пасомым Хрыстовай Праваслаўнай Царквы» месцазахавальніка Патрыяршага прастола мітрапаліта Маскоўскага і Каломенскага Сергія.

Форум праходзіць на базе Брэсцкага дзяржаўнага тэхнічнага ўніверсітэта. У яго працы прымаюць удзел мітрапаліт Мінскі і Заслаўскі Веніямін, Патрыяршы Экзарх усяе Беларусі, архіепіскап Брэсцкі і Кобрынскі Іаан, прадстаўнікі дзяржаўнай улады, навуковай супольнасці Беларусі і Расіі, праваслаўнае духавенства.

Сярод арганізатараў канферэнцыі — Брэсцкі дзяржаўны тэхнічны ўніверсітэт, Беларуская Праваслаўная Царква, Брэсцкая епархія Беларускай Праваслаўнай Царквы, Расійскі цэнтр навукі і культуры (горад Брэст), Цэнтр еўразійскіх даследаванняў філіяла Расійскага сацыяльнага гуманітарнага ўніверсітэта ў горадзе Мінску.

Звяртаючыся з прывітальным словам да ўдзельнікаў канферэнцыі, мітрапаліт Мінскі і Заслаўскі Веніямін, Патрыяршы Экзарх усяе Беларусі, адзначыў, што названыя ў праблемным полі канферэнцыі імёны і даты важныя для ўсіх усходніх славян і цесна звязаны з гісторыяй Праваслаўя на беларускіх землях. «Яны нагадваюць нам пра тыя выпрабаванні, якія выпалі на долю нашых народаў, выклікаюць глыбокую павагу да нашых продкаў, якія здолелі абараніць сваю свабоду, захаваць веру і культурную самабытнасць», — сказаў Патрыяршы Экзарх. Ён падкрэсліў, што месца правядзення канферэнцыі — горад Брэст — свяшчэннае для нашай гісторыі. 80 гадоў таму Брэст першым прыняў на сябе жудасны па сіле ўдар ворага. Абаронцы легендарнай Брэсцкай крэпасці ў стагоддзях пакрылі свае імёны славай, выканаўшы запавет Госпада нашага Іісуса Хрыста: ніхто не можа праявіць большай любові, чым той, хто пакладзе жыццё сваё за блізкіх сваіх.

Адной з тэм канферэнцыі з'яўляецца «Пасланне пастырам і пасомым Хрыстовай Праваслаўнай Царквы», прамоўленае месцазахавальнікам Патрыяршага прастола мітрапалітам Маскоўскім і Каломенскім Сергіем (Страгародскім) у самым пачатку Вялікай Айчыннай вайны. У сувязі з гэтым мітрапаліт Веніямін адзначыў, што «Пасланне» стала першым заклікам да народа ўстаць на абарону сваёй Радзімы ад іншаземнага ворага пад сцягам праваслаўнай веры, якая многія стагоддзі падымала народ на абарону Айчыны.

«Гэта вельмі важны духоўны і гістарычны факт. Мы памятаем, што і перамога ў Вялікай Айчыннай вайне была здабытая дзякуючы духоўнаму адраджэнню, мабілізацыі духоўных сіл народа. Спадзяюся што роля Царквы ў абароне Айчыны, у стрымліванні ўзброеных канфліктаў будуць дэталёва разгледжаная на канферэнцыі», — сказаў мітрапаліт Веніямін.

Удзельнікі пленарнага пасяджэння, якое пачало працу ў 10.00, разглядаюць праблемы вайны і захавання міру, узаемасувязь і трансфармацыю духоўнага кампанента і патрыятызму, значэнне веры ў супрацьстаянні ворагу Айчыны, праблемы фальсіфікацыі гісторыі і захавання гістарычнай памяці. 

Church.by