Пошук

Мітрапаліт Павел узначаліў цырымонію адкрыцця міжнароднага Каляднага фестывалю «Радасць»

27 снежня 2017 26 декабря во Дворце спорта города Минска состоялось торжественное открытие международного Рождественского фестиваля «Радость», организованного Елисаветинским женским монастырем.

26 снежня 2017 года ў Палацы спорту горада Мінска адбылося ўрачыстае адкрыццё міжнароднага Каляднага фестывалю «Радасць», арганізаванага Лізавецінскім жаночым манастыром.

Ганаровымі гасцямі фестывалю сталі: мітрапаліт Мінскі і Заслаўскі Павел, Патрыяршы Экзарх усяе Беларусі; Леанід Паўлавіч Гуляка, Упаўнаважаны па справах рэлігій і нацыянальнасцяў; Ігар Віктаравіч Юркевіч, намеснік старшыні Мінскага абласнога выканаўчага камітэта; Васіль Мечыслававіч Чэрнік, намеснік Міністра культуры Рэспублікі Беларусь; Велька Ковачэвіч, Надзвычайны і Паўнамоцны Пасол Рэспублікі Сербія ў Рэспубліцы Беларусь; Вадзім Альбертавіч Гусеў, дарадца-пасланнік Пасольства Расійскай Федэрацыі ў Рэспубліцы Беларусь; Ала Феафанаўна Мартынава, загадчык сектара па справах рэлігій і нацыянальнасцяў Мінскага гарадскога выканаўчага камітэта.

У пачатку цырымоніі адкрыцця фестывалю «Радасць» мітрапаліт Павел здзейсніў малебен на пачатак добрай справы, а затым звярнуўся да арганізатараў, удзельнікаў і гасцей фестывалю з прывітальным словам. Патрыяршы Экзарх павіншаваў усіх з надыходзячымі святамі Ражджаства Хрыстовага і Новым годам і пажадаў, каб фестываль «Радасць» дарыў сапраўдную радасць, якая знаходзіцца ў Хрысьце, усім, хто наведае мерапрыемствы фестывалю.

Затым прысутных павітаў намеснік старшыні Мінскага абласнога выканаўчага камітэта Ігар Юркевіч.

Мітрапаліт Павел уручыў Ігару Віктаравічу мазаічнае пано з выявай герба горада Мінска, вырабленае ў майстэрнях Лізавецінскага манастыра да 950-годдзя сталіцы.

Пасля гэтага адбыўся канцэрт з удзелам дзіцячага хору і харэаграфічнага ансамбля нядзельнай школы Лізавецінскай абіцелі, а таксама хору «Дамінанта» Беларускага дзяржаўнага музычнага ўніверсітэта.

Міжнародны Калядны фестываль «Радасць» працягнецца да 6 студзеня. З праграмай фестывалю можна азнаёміцца на сайце Лізавецінскага манастыра.  

Church.by