Пошук

Мітрапаліт Веніямін прыняў удзел у чарговым пасяджэнні Свяшчэннага Сінода Рускай Праваслаўнай Царквы

23 верасня 2021 23-24 сентября 2021 года в Тронном зале Патриаршей и Синодальной резиденции в Даниловом монастыре в Москве под председательством Святейшего Патриарха Московского и всея Руси Кирилла состоялось заседание Священного Синода Русской Православной Церкви.

23-24 верасня 2021 года ў Троннай зале Патрыяршай і Сінадальнай рэзідэнцыі ў Данілавым манастыры ў Маскве пад старшынствам Свяцейшага Патрыярха Маскоўскага і ўсяе Русі Кірыла адбылося пасяджэнне Свяшчэннага Сінода Рускай Праваслаўнай Царквы.

Вітаючы прысутных, Прадстаяцель Рускай Праваслаўнай Царквы адзначыў, што на пасяджэнні будуць абмяркоўвацца, у прыватнасці, пытанні падрыхтоўкі да Архіерэйскага Сабору 2021 года.

«Сёння ў нас цэлы шэраг пытанняў, якія, як звычайна, датычацца ўнутранай і знешняй дзейнасці Царквы; будуць прадстаўлены адпаведныя даклады некаторых членаў Свяшчэннага Сінода», — дадаў Свяцейшы Уладыка.

Па завяршэнні пасяджэння Свяшчэннага Сінода была здзейснена памінальная ліція па мітрапаліту Луганскаму і Алчаўскаму Мітрафану (+18.06.2021) і мітрапаліту Ровенскаму і Астрожскаму Варфаламею (+15.09.2021).

Памінальнае богаслужэнне, за якім маліліся Свяцейшы Патрыярх Кірыл і члены Свяшчэннага Сінода, адбылося ў дамовым храме Усіх святых, у Царкве Рускай праслаўленых, Патрыяршай і Сінадальнай рэзідэнцыі ў Данілавым манастыры ў Маскве.

Пастаяннымі членамі Свяшчэннага Сінода з'яўляюцца: мітрапаліт Кіеўскі і ўсяе Украіны Ануфрый; мітрапаліт Кішынёўскі і ўсяе Малдовы Уладзімір; мітрапаліт Астанайскі і Казахстанскі Аляксандр, кіраўнік Мітрапалічай акругі ў Рэспубліцы Казахстан; мітрапаліт Ташкенцкі і Узбекістанскі Вікенцій, кіраўнік Сярэднеазіяцкай мітрапалічай акругі; мітрапаліт Санкт-Пецярбургскі і Ладажскі Варсанофій; мітрапаліт Круціцкі і Каломенскі Павел; мітрапаліт Валакаламскі Іларыён, старшыня Аддзела знешніх царкоўных сувязяў Маскоўскага Патрыярхату; мітрапаліт Мінскі і Заслаўскі Веніямін, Патрыяршы Экзарх усяе Беларусі; мітрапаліт Васкрасенскі Дыянісій, кіраўнік спраў Маскоўскай Патрыярхіі.

У пасяджэнні ўдзельнічаюць часовыя члены: мітрапаліт Талінскі і ўсяе Эстоніі Яўгеній; мітрапаліт Валгаградскі і Камышынскі Фёдар; мітрапаліт Чалябінскі і Міяскі Аляксій; архіепіскап Паўднёва-Сахалінскі і Курыльскі Ніканор; епіскап Лыскаўскі і Лукаянаўскі Сілуан.

Прэс-служба Патрыярха Маскоўскага і ўсяе Русі/Church.by