Навігатар: /

Патрыяршы Экзарх сустрэўся з духавенствам Капыльскага благачыння

05 верасня 2021
В ходе беседы архипастырь отметил высокий уровень организации приходской жизни в церковном округе, благотворительного служения, просветительской и миссионерской работы.

top.jpg

5 верасня 2021 года мітрапаліт Мінскі і Заслаўскі Веніямін, Патрыяршы Экзарх усяе Беларусі, сустрэўся з духавенствам Капыльскага благачыння.

На сустрэчы прысутнічалі: сакратар Слуцкай епархіі, благачынны Слуцкай царкоўнай акругі, настаяцель Міхайлаўскага кафедральнага сабора горада Слуцка протаіерэй Ігар Штэпа; благачынны Капыльскай царкоўнай акругі, настаяцель Спаса-Узнясенскага храма горада Капыля іерэй Іаан Уханаў; настаяцель кафедральнага сабора Ражджаства Хрыстова горада Салігорска протаіерэй Сергій Чарны і клірыкі Капыльскага благачыння.

Перад сустрэчай Яго Высокапраасвяшчэнства здзейсніў малебен у храме Жыццепачатнай Троіцы вёскі Цялядавічы і пагутарыў з прыхаджанамі храма. Затым уладыка Веніямін агледзеў прыходскія будынкі.

Пасля сумеснай малітвы і экскурсіі была праведзена гутарка з духавенствам. Падчас гутаркі архіпастыр адзначыў высокі ўзровень арганізацыі парафіяльнага жыцця ў царкоўнай акрузе, дабрачыннага служэння, асветніцкай і місіянерскай працы. Сярод найважнейшых прынцыпаў пастырскай дзейнасці ўладыка Веніямін назваў рэгулярнае здзяйсненне богаслужэнняў, правядзенне агласіцельных гутарак перад Таінствамі Хрышчэння і Шлюбу, паслухмянасць свяшчэннаначаллю, пабудову сямейнага жыцця паводле Евангелля, клопат пра прыхаджан і стварэнне міру.

У завяршэнне сустрэчы Яго Высокапраасвяшчэнства адказаў на пытанні прысутных, заклікаўшы святароў да адкрытага дыялогу і сумеснай працы на ніве Хрыстовай.

Слуцкая епархія/Church.by