Пошук

Патрыяршы Экзарх азнаёміўся з ходам рэстаўрацыйных работ у Спаса-Праабражэнскім храме Полацкага Спаса-Еўфрасіннеўскага жаночага манастыра

01 лютага 2021 С 31 января по 1 февраля 2021 года состоялся визит митрополита Минского и Заславского Вениамина, Патриаршего Экзарха всея Беларуси в Полоцкий Спасо-Евфросиниевский ставропигиальный женский монастырь.

З 31 студзеня па 1 лютага 2021 года адбыўся візіт мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, у Полацкі Спаса-Еўфрасіннеўскі стаўрапігіяльны жаночы манастыр.

У рамках візіту прайшла сустрэча з сёстрамі манастыра, на якой абмяркоўваліся актуальныя пытанні манастырскага жыцця.

Патрыяршы Экзарх таксама азнаёміўся з ходам рэстаўрацыйных работ у Спаса-Праабражэнскім храме.

Спаса-Праабражэнскі храм – адзіны ў Беларусі помнік XII стагоддзя, дзе амаль цалкам, ад падэшвы сцен да купала, захаваўся фрэскавы роспіс. Многія стагоддзі ён хаваўся пад наслаеннямі позніх штукатурок, запісаў, афарбовак, бруду і сажы. Пра існаванне старажытнага фрэскавага роспісу стала вядома ў 1920-я гады, калі было зроблена некалькі пробных даследаванняў. Але першыя рэстаўрацыйныя работы пачаліся толькі ў 1991 годзе. Ля сцен царквы ў апошнія гады таксама вядуцца раскопкі. У 2015 годзе археолагі ўстанавілі, што храм у першапачатковым выглядзе быў значна большым. Завяршыць рэстаўрацыйныя работы, якія фінансуюцца з рэспубліканскага і мясцовага бюджэтаў, плануецца ў 2024 годзе.

Church.by

Фота: Полацкі Спаса-Еўфрасіннеўскі стаўрапігіяльны жаночы манастыр