Навігатар: Публікацыі /

Патрыяршы Экзарх усяе Беларусі прыняў удзел ва ўрачыстым прыёме з нагоды 100-годдзя аднаўлення Патрыяршаства ў Рускай Праваслаўнай Царкве

05 снежня 2017

0_612d9_6d77c30c_orig.jpg

4 снежня 2017 года ў трапезных палатах кафедральнага саборнага Храма Хрыста Спасіцеля ў Маскве адбыўся ўрачысты прыём ад імя Свяцейшага Патрыярха Маскоўскага і ўсяе Русі Кірыла, прысвечаны 100-годдзю аднаўлення Патрыяршаства ў Рускай Праваслаўнай Царкве.

У мерапрыемстве прынялі ўдзел Кіраўнікі Памесных Праваслаўных Цэркваў і дэлегацый, іншыя госці урачыстасцяў, члены Свяшчэннага Сінода Рускай Праваслаўнай Царквы, удзельнікі Архіерэйскага Сабора, які праходзіў у расійскай сталіцы з 29 лістапада па 2 снежня. Удзел ва ўрачыстым прыёме прыняў і мітрапаліт Мінскі і Заслаўскі Павел, Патрыяршы Экзарх усяе Беларусі.

Звяртаючыся да прысутных з прывітальным словам, Свяцейшы Патрыярх Кірыл падзякаваў Прадстаяцелям Памесных Праваслаўных Цэркваў за ўдзел ва ўрачыстасцях з нагоды 100-годдзя аднаўлення Патрыяршаства ў Рускай Царкве. «Няма нічога больш, як гэты духоўны вопыт суперажывання адзінства, адзінай малітвы, адзінага прычашчэння ад Святой Чашы», ― падкрэсліў Свяцейшы Уладыка.

Прадстаяцель Рускай Праваслаўнай Царквы падзякаваў Блажэннейшаму Патрыярху Александрыйскаму і ўсей Афрыкі Фёдару за ўзначаленне Літургіі ў Храме Хрыста Спасіцеля ў свята Увядзення ў храм Прасвятой Багародзіцы, дзень 100-годдзя інтранізацыі свяціцеля Ціхана, Патрыярха Маскоўскага.

«Гледзячы на Вас, мы маліліся аб Вашай велізарнай пастве на тэрыторыі ўсёй Афрыкі, за Вашу місіянерскую працу», ― адзначыў Свяцейшы Патрыярх Кірыл.

«Мы маліліся за Блажэннейшага Іаана, Патрыярха Антыяхійскага, разумовым позіркам сузіраючы трагедыю сірыйскага, ліванскага, іракскага народаў», ― дадаў Свяцейшы Уладыка.

«Няхай Гасподзь падтрымае ўсіх нас, Прадстаяцеляў Памесных Праваслаўных Цэркваў, у нашым адзінстве, у нашым зносінах, у нашым сумесным служэнні народу Божаму, Усяленскай Праваслаўнай Царкве і ўсяму свету. Многія і добрыя леты!», ― сказаў на заканчэнне Патрыярх Кірыл.

Ад імя Прадстаяцеляў і прадстаўнікоў Памесных Праваслаўных Цэркваў Прадстаяцеля Рускай Царквы вітаў Блажэннейшы Патрыярх Антыяхійскі і ўсяго Усходу Іаан Х.

«Аднаўленне Патрыяршаства ў святой Рускай Царкве — гэта вялікая падзея, гэта радасць ўсяго праваслаўнага народа, усіх Праваслаўных Цэркваў», ― адзначыў Патрыярх Іаан.

Па словах Яго Блажэнства, сённяшнія ўрачыстасці ― гэта «сведчанне аб любві, аб адзінстве, міры і радасці ўсяму свету».

Затым адбыўся канцэрт, на якім выступілі хор духавенства Маскоўскай абласной епархіі (рэгент-свяшчэннік Сергій Голеў) і Кубанскі казацкі хор (мастацкі кіраўнік і галоўны дырыжор Віктар Захарчанка).

У завяршэнне прыёму Свяцейшы Патрыярх Кірыл яшчэ раз падзякаваў усім за ўдзел ва ўрачыстасцях і запрасіў наведаць святочны канцэрт у Крамлі.

Прэс-служба Патрыярха Маскоўскага і ўсяе Русі / Church.by