Пошук

Патрыяршы Экзарх усяе Беларусі выказаў спачуванні ў сувязі са смерцю протаіерэя Фёдара Крываноса

03 чэрвеня 2021 Патриарший Экзарх всея Беларуси выразил соболезнования в связи с кончиной протоиерея Феодора Кривоноса. «По материалам его исследований и публикаций состоялось церковное прославление 23-х новомучеников Минской епархии и включение их в Собор Белорусских Святых. Отдельного внимания заслуживает вклад почившего в подготовку материалов к прославлению блаженной Валентины Минской» — подчеркивается в соболезновании.

РОДНЫМ І БЛІЗКІМ СПАЧЫЛАГА

ПРОТАІЕРЭЯ ФЁДАРА ПАЎЛАВІЧА КРЫВАНОСА

ЖОНЦЫ ІРЫНЕ ЎЛАДЗІМІРАЎНЕ,

ДАЧЦЭ КСЕНІІ ФЁДАРАЎНЕ,

БРАТУ АЛЯКСАНДРУ ПАЎЛАВІЧУ,

 

УСІМ, ХТО АСАБІСТА ВЕДАЎ І

БЫЎ ДАЛУЧАНЫ ДА ЯГО ДЗЕЙНАСЦІ

НА НІВЕ ЦАРКОЎНАЙ ГІСТОРЫІ,

 

КЛІРУ, ПРАЦАЎНІКАМ І ПРЫХАДЖАНАМ

СВЯТА-ДУХАВА КАФЕДРАЛЬНАГА САБОРА

Дарагія айцы, браты і сёстры!

Разам смуткуем аб сканчэнні зямнога шляху протаіерэя Фёдара Крываноса.

Па закліку Госпада ён нёс святарскае служэнне, напаўняючы яго глыбінёй відавочнай веры. За час дбайнага служэння Маці-Царкве сваёй адданасцю, дабрынёй і спагадлівасцю айцец Фёдар заслужыў аўтарытэт, любоў і павагу Патрыяршых Экзархаў, епіскапату Беларускай Праваслаўнай Царквы, саборнага духавенства, выкладчыкаў і студэнтаў духоўных семінарый і акадэміі, дзеячаў адукацыі і навукі, прыхаджан і працаўнікоў храма, выхаванцаў саборнай нядзельнай школы і мноства набожных веруючых людзей, якія ведалі яго, жыхароў нашага горада.

Сапраўды, неацэнны асабісты ўклад айца Фёдара ў адраджэнне царкоўнага жыцця ў Беларусі. Па матэрыялах яго даследаванняў і публікацый адбылося царкоўнае праслаўленне 23-х новамучанікаў Мінскай епархіі і ўключэнне іх у Сабор Беларускіх Святых. Асобнай увагі заслугоўвае ўклад спачылага ў падрыхтоўку матэрыялаў да праслаўлення блажэннай Валянціны Мінскай.

Чвэрць стагоддзя айцец Фёдар прысвяціў старанным навуковым працам па гісторыі Праваслаўнай Царквы на Беларусі, якія не пакідаў да апошніх дзён свайго зямнога шляху. Распаўсюджваючы веды, айцец Фёдар памнажаў Богам даручаныя яму таленты, тым самым, яўляючы прыклад дбайнага выканання запаведзяў Гасподніх.

За заслугі перад Царквой, а таксама дзейнасць, накіраваную на яднанне хрысціян, спачылы ўдастоены шэрагу царкоўных і міжнародных узнагарод.

Будзем узносіць нашыя соборные малітвы аб упакаенні душы дарагога і любімага пастыра у Нябесных абіцелях, у селішчах праведных. Па малітвах ўсіх святых, якія ў зямлі Беларускай праславіліся, Міласэрны Гасподзь няхай паглядзіць на стараннасць Свайго спачылага служыцеля і створыць новаспачыламу протаіерэю Фёдару вечную памяць!

+ ВЕНІЯМІН

мітрапаліт Мінскі і Заслаўскі,

Патрыяршы Экзарх усяе Беларусі

2 чэрвеня 2021 г.