Пошук

У Нацыянальным мастацкім музеі Беларусі адбылося мерапрыемства, прысвечанае памяці мітрапаліта Філарэта (Вахрамеева)

21 сакавіка 2021 21 марта 2021 года в Национальном художественном музее Беларуси состоялось мероприятие, посвященное памяти митрополита Филарета (Вахромеева), почетного Патриаршего Экзарха всея Беларуси.

21 сакавіка 2021 года ў Нацыянальным мастацкім музеі Беларусі адбылося мерапрыемства, прысвечанае памяці спачылага мітрапаліта Філарэта (Вахрамеева), Ганаровага Патрыяршага Экзарха ўсяе Беларусі.

Адкрываючы сустрэчу, генеральны дырэктар Нацыянальнага мастацкага музея Уладзімір Пракапцоў нагадаў прысутным, што пры падтрымцы спачылага мітрапаліта Філарэта было рэалізавана мноства праграм супрацоўніцтва Беларускай Праваслаўнай Царквы з шэрагам дзяржаўных устаноў, у тым ліку ў галіне духоўна-маральнага і эстэтычнага выхавання. У прыватнасці, у музеі да дня нараджэння архіпастыра штогод ажыццяўляліся розныя праекты, у тым ліку і з удзелам уладыкі Экзарха.

У экспазіцыі музея годнае месца занялі перададзеныя ў дар Беларускім Экзархатам тры панагіі мітрапаліта Філарэта і яго мітра, выкананая ў тэхніцы пляцення з саломы з маляўнічымі мініяцюрнымі выявамі святых.

«Уладыка Філарэт быў для нас не толькі архіпастырам, але і бацькам, дарадцам, чалавекам, які для кожнага ўмеў знайсці словы падтрымкі», — адзначыў Уладзімір Пракапцоў.

У сваю чаргу мітрапаліт Мінскі і Заслаўскі Веніямін, Патрыяршы Экзарх усяе Беларусі, распавёў пра тое, што сёння падчас Бажэственнай літургіі архіпастыры і свяшчэннаслужыцелі маліліся аб упакаенні душы ўладыкі Філарэта. Кожны па-свойму ўспамінаў гэтага асаблівага сына Царквы, самаадданага і любячага айца, які дапамагаў пераадолець падзел сярод сэрцаў чалавечых і аб'яднаць людзей для дасягнення добрага выніку.

Прадстаяцель Беларускай Праваслаўнай Царквы нагадаў, што сёння ва ўрачыстай абстаноўцы быў адкрыты мемарыяльны кабінет незабыўнага архіпастыра. «І прыемна, што не толькі царкоўныя, але і дзяржаўныя музеі надаюць увагу тэме, звязанай з уладыкам», — выказаў меркаванне мітрапаліт Веніямін.

Паводле яго слоў, спачылы архіпастыр быў натхняльнікам адраджэння Праваслаўя на Беларускай зямлі, звароту позірку суайчыннікаў да Бога. Пачатак яго служэння выпаў на перыяд, калі жыццё людское была засяроджана выключна на зямным клопаце. А пра душы, свет нябесны, вечнасць нават і падумаць было немагчыма. Ад гэтага пакутнага, маркотнага, сумнага стану ўладыка вёў сваю паству да таго, каб радасць Перамогі Праваслаўя ажыццявілася на Белай Русі.

«Але недастаткова толькі радавацца дасягнутаму выніку. Важна, каб тое добрае, што было зроблена ўладыкам Філарэтам, атрымлівала натуральнае, гарманічнае развіццё ў сённяшнім дні і ў будучыні. Нам дадзены таленты, якія трэба памножыць, кажа слова Божае. Так вучыў нас і спачылы настаўнік», — падкрэсліў Патрыяршы Экзарх.

У сваім выступленні ён таксама падзякаваў кіраўніцтву Нацыянальнага мастацкага музея за шматгадовае плённае супрацоўніцтва з Беларускай Праваслаўнай Царквой.

У рамках памятнага мерапрыемства адбылася ўрачыстая перадача ў дар музею ад Тамары Лявішка іконы канца XIX стагоддзя «Каранаванне Богамаці», выкананай у традыцыях палескага царкоўнага жывапісу.

Для гасцей прагучалі творы ў выкананні ансамбля «Мелодыя», вакальнага ансамбля «Песнаслоўцы» пры клірасным хоры храма святой праведнай Сафіі Слуцкай у горадзе Мінску, зводнага змешанага хору Мінскіх духоўных школ.

Church.by