Пошук

З Мінска ў Маскву перададзена лампада з агнём з базілікі Нараджэння Хрыстова ў Віфлееме

27 снежня 2023

24 снежня 2023 года на Круціцкім Патрыяршым падвор'і ў Маскве сустрэлі ўдзельнікаў Міжнароднай акцыі «Віфлеемскі агонь – святло міру і дружбы», якая штогод праводзіцца па благаславенню старшыні Сінадальнага аддзела па справах моладзі, старшыні праўлення брацтва праваслаўных следапытаў епіскапа Істрынскага Серафіма.

Традыцыйна агонь, запалены ад лампады ў храме Ражджаства Хрыстова ў Віфлееме, па эстафеце дастаўляюць у спецыяльных лампадах па ўсёй Еўропе. Сёлета Віфлеемскі агонь быў 23 снежня дастаўлены скаўтамі з Гродна і ўрачыста перададзены расійскім следапытам у мінскім храме іконы Божай Маці «Няўпіўная Чаша».

Агонь ад прадстаўнікоў Беларускай рэспубліканскай скаўцкай асацыяцыі прынялі захавальнікі Марыя Карпава і Рыгор Гумераў. Цырымонію перадачы Віфлеемскага агню ўзначаліў настаяцель храма протаіерэй Дыянісій Пясецкі, у мерапрыемстве прынялі ўдзел старшыня Сінадальнага аддзела па справах моладзі Беларускай Праваслаўнай Царквы іерэй Дзімітрый Баўкуновіч, старшыня Беларускай рэспубліканскай скаўцкай асацыяцыі Ігар Касцевіч, члены арганізацыі і прыхаджане храма.

На наступны дзень ва Успенскім саборы Круціцкага Патрыяршага падвор'я прайшла цырымонія перадачы агню. Спецыяліст Сінадальнага аддзела па справах моладзі дыякан Яўген Есауленка перадаў прысутным прывітанне і добразычлівасці ад імя епіскапа Серафіма, а таксама павіншаваў следапытаў з пачаткам штогадовай сімвалічнай акцыі.

На цырымоніі прысутнічалі захавальнікі агню Уладзімірскай, Екацярынбурскай, Каломенскай, Белгародскай епархій, следапыты Сергіева-Пасадскай, Цвярской, Санкт-Пецярбургскай і Маскоўскай епархій, а таксама прадстаўнікі Рускага Саюза скаўтаў Ніжняга Ноўгарада.

Віфлеемскі агонь традыцыйна будзе знаходзіцца на Круціцкім падвор'і да 7 студзеня 2024 года. У найбліжэйшы час эстафету прымуць шматлікія епархіі Рускай Праваслаўнай Царквы.

***

Перадкалядная традыцыя распаўсюджвання Віфлеемскага агню свету зарадзілася ў 1986 годзе ў Аўстрыі. Першапачаткова акцыя планавалася з мэтай падтрымкі дзяцей-інвалідаў і ўсіх тых, хто мае патрэбу ў дапамозе і ўвазе ў перыяд калядных святаў. Гэтую высакародную справу ўзялі ў свае рукі скаўты. Ад аднаго скаўцкага атрада да іншага Віфлеемскі агонь пераадольвае мноства межаў і трапляе да тых, хто чакае гэты сімвал цяпла, спакою і веры. Скаўты перадаюць яго цэрквам, нясуць у дзіцячыя дамы і бальніцы, каб тыя, хто знаходзіцца далёка ад дома, у складанай жыццёвай сітуацыі маглі адчуць цяпло Віфлеемскай зоркі і запаліць у сваім сэрцы надзею. У 1994 годзе да гэтай акцыі далучыліся і беларускія скаўты.

pravoslavmolodezh.ru/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok