Адбылася сустрэча адміністрацыі і працоўнага калектыву Белдзяржфілармоніі са старшынёй Савета па культуры Мінскай епархіі, дырэктарам Мінскага духоўнага вучылішча протаіерэем Іаанам Задарожыным

У святле тэматыкі Адзінага дня інфармавання — «80-годдзе трагедыі ў Хатыні» — протаіерэй Іаан Задарожын падкрэсліў, што абавязак сучаснікаў свята захоўваць памяць аб загінуўшых, тым самым засцерагаючы і ўмацоўваючы духоўнае адзінства нашай краіны.

Прадстаяцель Беларускай Праваслаўнай Царквы здзейсніў асвячэнне храма ў гонар Нараджэння Прасвятой Багародзіцы ў мемарыяльным комплексе «Хатынь»

18 сакавіка 2022 года, у суботу сядміцы 3-й Вялікага посту, дзень памінання памерлых, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў асвячэнне храма ў гонар Нараджэння Прасвятой Багародзіцы ў мемарыяльным комплексе «Хатынь», а затым узначаліў у новаасвячоным храме першую Бажэственную літургію.

Стартаваў 18-дзённы анлайн-лекторый для свяшчэннаслужыцеляў Беларускай Праваслаўнай Царквы

Ініцыятар і арганізатар мерапрыемства — Сінадальны аддзел па пытаннях сям'і, абароны мацярынства і дзяцінства Беларускай Праваслаўнай Царквы.

Адышоў да Госпада настаяцель прыхода храма іконы Божай Маці «Усецарыца» горада Мінска, старшыня Сінадальнага аддзела па царкоўнай дабрачыннасці і сацыяльным служэнні БПЦ протаіерэй Кірыл Шолкаў

Вечная памяць новаспачыламу протаіерэю Кірылу! Няхай прыме Гасподзь душу свайго вернага служыцеля і ўпакоіць яе ў Нябесных мясцінах!

У Мінску пачалося святкаванне Дня праваслаўнай кнігі

9 сакавіка 2023 года мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў урачысты акт з нагоды Дня праваслаўнай кнігі, які адбыўся ў Нацыянальнай бібліятэцы Беларусі.

Храмы і манастыры Беларусі ў інфаграфіцы Church.by: трохкутная Царква ў гонар Святой Троіцы ў вёсцы Вялікая Сваротва

У нашы дні ў Беларусі налічваецца 36 праваслаўных манастыроў і крыху больш за 2 тысячы храмаў і капліц. У рамках праекта «Храмы і манастыры Беларусі ў інфаграфіцы Сhurch.by» мы пастараемся расказаць пра іх у даступнай і зручнай для ўспрымання графічнай форме.

Каманды брацтваў, прыходскіх груп і іншых моладзевых аб'яднанняў запрашаюцца да ўдзелу ў інтэлектуальнай гульні «Шчыт веры»

Тэма гульні: дванадзясятыя і вялікія святы.

У Пінскай епархіі выйшаў дакументальны фільм «Дар на Палескай зямлі», які апавядае пра Купяціцкі абраз Божай Маці [+Відэа]

Па благаславенню епіскапа Пінскага і Лунінецкага Георгія ў Пінскай епархіі выйшаў дакументальны фільм «Дар на Палескай зямлі», які апавядае аб найстаражытным з яўленых на беларускіх землях Багародзічных абразоў – Купяціцкай іконе Божай Маці, 840-годдзе яўлення якой адзначалася ў мінулым годзе.

У Даравальную нядзелю Патрыяршы Экзарх узначаліў Бажэственную літургію ў кафедральным саборы Уваскрасення Хрыстова горада Барысава

Па завяршэнні богаслужэння яго Высокапраасвяшчэнства ўзнагародзіў старшыню Сінадальнага інфармацыйнага аддзела БПЦ, ключара кафедральнага сабора Уваскрасення Хрыстова горада Барысава іерэя Ігара Васько медалём Мар'інагорскай іконы Божай Маці II ступені.

Прафесар Мінскай духоўнай акадэміі іерэй Гардзей Шчаглоў стаў лаўрэатам Рэспубліканскага літаратурнага конкурсу «Міласэрнасць»

Конкурс праводзіўся Саюзам пісьменнікаў Беларусі, Мінскім гарадскім аддзяленнем СПБ, рэспубліканскім грамадскім аб'яднаннем «Беларускае таварыства Чырвонага Крыжа» з мэтай асвятлення гуманітарнай дзейнасці, якая ажыццяўляецца ў Беларусі; прац членаў Беларускага Чырвонага Крыжа; павышэння прэстыжу валанцёрскай дзейнасці ў грамадстве, праслаўлення міласэрнасці і гатоўнасці дапамагчы тым, хто трапіў у складаную сітуацыю.

На YouTube-канале Гомельскай епархіі выйшаў новы выпуск аўтарскага праекта «Духоўныя вандроўкі», прысвечаны Добрушскаму Макар'еўскаму манастыру [+відэа]

Сёння ад некалі слаўнай абіцелі засталіся толькі руіны, а яшчэ падчас абнаўленчага расколу гэты манастыр быў апорай Праваслаўя на Гомельшчыне. У 1928 годзе савецкая ўлада зачыніла манастыр. На яго месцы працаваў свінагадоўчы комплекс-саўгас «Харапуць», будынак храма пераабсталявалі пад інтэрнат для саўгасных рабочых. У нашы дні святое месца зноў збірае паломнікаў.

Настаяцельніца Беразвецкага жаночага манастыра ў гонар Архістратыга Божага Міхаіла горада Глыбокае ігумення Міхаіла (Суровцева) ўдастоена звання «Чалавек года Віцебшчыны-2022»

Пры яе апякунстве ў 2022 годзе на тэрыторыі манастыра было завершана ўзвядзенне храма ў гонар Архістратыга Божага Міхаіла.

Патрыяршы Экзарх узначаліў Бажэственную літургію ў храме ў гонар іконы Божай Маці «Знойдзенне загінуўшых» у горадзе Мінску

Пасля богаслужэння быў здзейснены чын на заснаванне храма ў гонар Нерукатворнага Вобраза Госпада Іісуса Хрыста.

Адбылася цырымонія ўзнагароджання пераможцаў міжнароднага конкурсу «Калядныя песні і калядкі-2023»

Конкурс праходзіў з 29 снежня 2022 года па 13 студзеня 2023 года па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі. У гэтым годзе на конкурс было пададзена 148 заявак з Беларусі, Расіі, Азербайджана, Германіі.

У дзень памяці блажэнных Ксеніі Пецярбургскай і Валянціны Мінскай Мітрапаліт Веніямін здзейсніў Бажэственную літургію ў Свята-Духавым кафедральным саборы горада Мінска

6 лютага 2023 года, у дзень памяці блажэннай Ксеніі Пецярбургскай і блажэннай Валянціны Мінскай, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.