У Гомельскай епархіі стартаваў літаратурны конкурс «Праваслаўе — мая надзея!»

Удзельнікі конкурсу павінны самастойна накіраваць свае творы па адрасе lit@eparhiya.by да 1 жніўня 2020 года. Узнагароджанне пераможцаў адбудзецца на традыцыйных «Славянскіх літаратурных дажынках-2020».

Слова мітрапаліта Паўла. Стрэчанне Гасподняе

Church.by публікуе відэазапіс праграмы «Слова мітрапаліта Паўла» тэлеканала Беларусь-1. Аб значэнні свята Стрэчання Гасподняга распавядае мітрапаліт Мінскі і Заслаўскі Павел, Патрыяршы Экзарх усяе Беларусі.

У Рэспубліцы Беларусь прадставілі двухтомнае выданне, прысвечанае свяшчэннамучаніку Іаану (Померу)

2-4 лютага ў Рэспубліцы Беларусь адбыліся прэзентацыі двухтомнага выдання, прысвечанага аднаму з выдатных іерархаў Рускай Праваслаўнай Царквы XX стагоддзя — свяшчэннамучаніку Іаану (Померу) (1876-1934), архіепіскапу Рыжскаму.

У Мінскай духоўнай семінарыі адбылася прэзентацыя кнігі ігуменні Гаўрыілы (Глухавай) аб Жыровіцкім манастыры

Мерапрыемства, якое праходзіла ў рамках падрыхтоўкі манастыра да юбілейных урачыстасцяў, сабрала вялікую колькасць прадстаўнікоў СМІ з усёй краіны, выкладчыкаў, супрацоўнікаў і студэнтаў МінДС, клірыкаў Слонімскага благачыння Навагрудскай епархіі, педагогаў школ Слоніма і Жыровічаў, а таксама многіх іншых гасцей.

Беларуская Праваслаўная Царква запрашае журналістаў на прэзентацыю кнігі ў Жыровічы

У 2020 годзе Беларуская Праваслаўная Царква адзначае 550-годдзе з’яўлення Жыровіцкай іконы Божай Маці, 500-годдзе яе паўторнага знаходжання і 500-годдзе заснавання Успенскага Жыровіцкага мужчынскага манастыра. У межах падрыхтоўкі абіцелі да юбілейных урачыстасцей 4 лютага ў 13:00 адбудзецца прэзентацыя кнігі ігуменні Гаўрыілы (Глухавай) «Усярадаснае заступленне Белай Русі».

У Мінску, Полацку і Жыровічах адбудуцца прэзентацыі кнігі пра свяшчэннамучаніка Іаана (Помера)

2-4 лютага ў Мінску, Полацку і Жыровічах пройдуць прэзентацыі двухтомнага выдання, прысвечанага выдатнаму іерарху Рускай Праваслаўнай Царквы XX стагоддзя — свяшчэннамучаніку Іаану (Померу) (1876 — 1934), архіепіскапу Рыжскаму. Жыццёвы шлях свяшчэннамучаніка Іаана звязаны з беларускім краем, дзе ён у 1912 годзе пачаў служэнне ў якасці епіскапа Слуцкага, вікарыя Мінскай епархіі.

Каляднае пасланне Патрыяршага Экзарха ўсяе Беларусі

Church.by публікуе пасланне да Ражджаства Хрыстовага 2020 года мітрапаліта Мінскага і Заслаўскага Паўла, Патрыяршага Экзарха ўсяе Беларусі.

Прадстаўнік Патрыярха Маскоўскага і ўсяе Русі пры Патрыярху Антыяхійскім і ўсяго Усходу прэзентаваў сваю кнігу ў Мінскай духоўнай акадэміі

9-10 снежня ў Мінскай духоўнай акадэміі прайшлі Дзявятыя Іеранімаўскія чытанні, навуковая канферэнцыя даследчыкаў Свяшчэннага Пісання, прысвечаная памяці блажэннага Іераніма Стрыдонскага. Удзельнікам Чытанняў стаў ігумен Арсень (Сакалоў), прадстаўнік Патрыярха Маскоўскага і ўсяе Русі пры Патрыярху Антыяхійскім і ўсяго Усходу.

Выдавецкі Савет Беларускай Праваслаўнай Царквы падвёў вынікі сваёй працы за 2019 год

5 снежня адбылося пасяджэнне агульнага сходу членаў Выдавецкага савета Беларускай Праваслаўнай Царквы (ВС БПЦ) з удзелам епархіяльных прадстаўнікоў, кіраўнікоў і супрацоўнікаў праваслаўных выдавецтваў БПЦ і свецкіх выдавецтваў, якія выпускаюць праваслаўную літаратуру.

Адбылася прэс-канферэнцыя, прысвечаная правядзенню Пятых Беларускіх Калядных чытанняў

27 лістапада ў прэс-цэнтры Дома прэсы прайшла прэс-канферэнцыя, прысвечаная правядзенню Пятых Беларускіх Калядных чытанняў «Вялікая перамога: спадчына і спадчыннікі». Удзел у мерапрыемстве прынялі епіскап Барысаўскі і Мар'інагорскі Веніямін, старшыня Сінадальнага аддзела рэлігійнай адукацыі і катэхізацыі Беларускай Праваслаўнай Царквы, старшыня аргкамітэта Беларускіх Калядных чытанняў, і протаіерэй Сергій Лепін, старшыня Сінадальнага інфармацыйнага аддзела Беларускай Праваслаўнай Царквы.

У выдавецтве Мінскай духоўнай акадэміі выйшаў зборнік матэрыялаў міжнароднай навуковай канферэнцыі

Выдавецтва Мінскай духоўнай акадэміі выпусціла зборнік матэрыялаў III Міжнароднай навуковай канферэнцыі «Царкоўная навука ў пачатку трэцяга тысячагоддзя: актуальныя праблемы і перспектывы развіцця», якая праходзіла 15 лістапада 2018 года на базе Мінскай духоўнай акадэміі. Зборнік прызначаны для выкладчыкаў гуманітарных дысцыплін, спецыялістаў у галіне рэлігіі і рэлігіязнаўства, тэолагаў, багасловаў, культуролагаў, а таксама ўсіх, хто цікавіцца пытаннямі біблеістыкі, багаслоўя, канфесійнай гісторыі і рэлігіязнаўства.

У Мінскай духоўнай семінарыі пройдзе прэзентацыя зборніка публікацый вядомага беларускага дзеяча Вячаслава Багдановіча (1878 — 1939?)

29 лістапада ў Мінскай духоўнай семінарыі па благаславенню архіепіскапа Навагрудскага і Слонімскага Гурыя адбудзецца прэзентацыя кнігі «Вячаслаў Багдановіч. Царква і дзяржава: выбраныя артыкулы і прамовы» (Мінск, 2019). Кніга ўключае выбраныя публікацыі розных гадоў вядомага беларускага праваслаўнага дзеяча, члена Памеснага Сабора Рускай Праваслаўнай Царквы 1917-1918 гадоў і сенатара парламента Польскай Рэспублікі двух скліканняў В. В. Багдановіча (1878 — 1939?).

У выдавецтве Мінскай духоўнай акадэміі выйшла манаграфія «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)»

11 лістапада Выдавецтва Мінскай духоўнай акадэміі выпусціла манаграфію К. А. Апановіч «Кіеўская мітраполія і ўсходнія патрыярхі пасля Брэсцкай уніі (1596 — 1632 гг.)». Кантакты прадстаўнікоў Усходніх патрыярхатаў з Кіеўскай мітраполіяй ажыццяўляліся ў унікальны перыяд, калі ўрад Рэчы Паспалітай пазбавіў Праваслаўную Царкву юрыдычнага статусу, але Праваслаўе de facto працягвала існаваць. У дадзенай працы аўтар робіць спробу выяўлення цэласнага гістарычнага зместу дадзеных кантактаў, шырока выкарыстоўваючы дакументальныя крыніцы, створаныя як дзяржаўнымі, так і царкоўнымі структурамі.

Выйшаў спецыяльны нумар альманаха «Працы Камісіі па кананізацыі святых Беларускай Праваслаўнай Царквы»

У выдавецтве Мінскай духоўнай акадэміі выйшаў чацвёрты нумар альманаха «Працы Камісіі па кананізацыі святых Беларускай Праваслаўнай Царквы», цалкам прысвечаны жыццю і царкоўнай дзейнасці мітрапаліта Літоўскага і Віленскага Іосіфа (Сямашкі) (1798-1868), ініцыятара ўз'яднання беларускіх уніятаў з Праваслаўнай Царквой. Выданне адрасавана праваслаўным клірыкам і міранам, гісторыкам, рэлігіязнаўцам, культуролагам, краязнаўцам, выкладчыкам духоўных і свецкіх навучальных устаноў, студэнтам, навучэнцам, а таксама ўсім, хто цікавіцца пытаннямі агіялогіі і беларускай царкоўнай гісторыі.

У выдавецтве Мінскай духоўнай акадэміі выйшаў зборнік матэрыялаў навуковай канферэнцыі «Мітрапаліт Іосіф (Сямашка): асоба, эпоха, гістарычны шлях Праваслаўя на беларускіх землях»

Выдавецтва Мінскай духоўнай акадэміі выпусціла ў свет зборнік матэрыялаў Міжнароднай навукова-практычнай канферэнцыі «Мітрапаліт Іосіф (Сямашка; 1798-1868): асоба, эпоха, гістарычны шлях Праваслаўя на беларускіх землях». Навуковы форум праходзіў 24-26 кастрычніка 2018 года ў Мінску. Арганізатарамі мерапрыемства выступілі Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў НАН Беларусі, Інстытут філасофіі НАН Беларусі і Мінская духоўная акадэмія.