Рэктар Мінскай духоўнай акадэміі прыняў удзел у сустрэчы з Апостальскім нунцыем у Расіі арцыбіскупам Чэлесціна Мільёрэ

07 лістапада 2017

top.jpg

1 лістапада 2017 года ў Агульнацаркоўнай аспірантуры і дактарантуры імя святых Кірыла і Мяфодзія Апостальскі нунцый у Расійскай Федэрацыі арцыбіскуп Чэлесціна Мільёрэ прачытаў лекцыю «Роля Святога Прастола ў сусветнай дыпламатыі» і адказаў на пытанні студэнтаў і супрацоўнікаў.

Сустрэчу адкрыў кіраўнік Упраўлення па грамадскіх сувязях і пратаколу АЦАД Мігель Палас, які перадаў высокаму госцю прывітанне рэктара АЦАД мітрапаліта Валакаламскага Іларыёна і адзначыў, што «выступленне кіраўніка дыпламатычнага прадстаўніцтва Ватыкана ў Расіі адкрывае ў новым навучальным годзе, практыку, якая ўжо стала традыцыяй, правядзення майстар-класаў цікавых людзей, у прыватнасці дыпламатаў. Агульнацаркоўная аспірантура — адзіная ў Рускай Праваслаўнай Царкве духоўная школа, у якой вывучаецца царкоўная дыпламатыя, і нам важна мець уяўленне аб дыпламатычнай службе Святога Прастола, якая з'яўляецца адной з самых старажытных і прафесійных».

Лекцыя прайшла па-англійску і суправаджалася тэкставай прэзентацыяй на рускай мове.

Нунцый распавёў аб тым, што знешнепалітычная дзейнасць мае вялікае значэнне для Папскай дзяржавы, падкрэсліўшы, што менавіта Святы Прастол, а не горад-дзяржава Ватыкан выступае суб'ектам міжнароднага права. Лектар надаў увагу ўладкаванню дыпламатычнай службы Святога Прастола, у тым ліку яе кадраваму саставуу (у яго ўваходзяць 114 кіраўнікоў місій — нунцыяў і пастаянных назіральнікаў, і каля 300 чалавек больш нізкага рангу), і Папскай царкоўнай акадэміі (у гэтай навучальнай установе чытаюцца курсы па міжнароднаму праву, гісторыі дыпламатыі, царкоўнай дыпламатыі, дыпламатычнаму пратаколу, тэхніцы перамоваў, культуры, рэлігіі і замежных мовах). Па словах монсіньёра Мільёрэ, Святы Прастол падкрэслівае прыярытэт міру і неабходнасці пошуку мірных спосабаў вырашэння міжнародных супярэчнасцяў; уважліва сочыць за крытычнымі сітуацыямі ў свеце, прадпрымае неабходныя меры, каб цывільнае насельніцтва, асабліва дзеці, хворыя і людзі, не залучаныя ў канфлікт (бежанцы, рабочыя), не пакутавала б з прычыны рашэнняў, прынятых для вырашэння згаданых вышэй канфліктаў; імкнецца абараняць хрысціян ад пераследу, у чым супрацоўнічае з Маскоўскім Патрыярхатам.

У завяршэнне лекцыі арцыбіскуп Чэлесціна Мільёрэ адказаў на пытанні прысутных.

У сустрэчы прыняў удзел архімандрыт Сергій (Акімаў), рэктар Мінскай духоўнай акадэміі, загадчык кафедры біблеістыкі Агульнацаркоўнай аспірантуры і дактарантуры.

АЦАД /  МінДА / Church.by