Пошук

Напярэдадні свята Пакрова Прасвятой Багародзіцы Свяцейшы Патрыярх Кірыл адслужыў утраню ўсяночнага трывання ў Свята-Духавым кафедральным саборы горада Мінска

13 кастрычніка 2018

13 кастрычніка 2018 года, напярэдадні свята Пакрова Прасвятой Уладычыцы нашай Багародзіцы і Вечнадзевы Марыі, Свяцейшы Патрыярх Маскоўскі і ўсяе Русі Кірыл здзейсніў утраню ўсяночнага трывання ў Свята-Духавым кафедральным саборы горада Мінска.

Перад пачаткам богаслужэння ля брамы сабора Прадстаяцеля Рускай Праваслаўнай Царквы сустракалі Патрыяршы Экзарх усяе Беларусі мітрапаліт Мінскі і Заслаўскі Павел, духавенства і вернікі Беларускай Праваслаўнай Царквы.

Яго Свяцейшасці саслужылі: мітрапаліт Кішынёўскі і ўсяе Малдовы Уладзімір; мітрапаліт Санкт-Пецярбургскі і Ладажскі Варсанофій, кіраўнік спраў Маскоўскай Патрыярхіі; мітрапаліт Мінскі і Заслаўскі Павел; мітрапаліт Валакаламскі Іларыён, старшыня Аддзела знешніх царкоўных сувязяў; мітрапаліт Барнаульскі і Алтайскі Сергій; архіепіскап Віцебскі і Аршанскі Дзімітрый; архіепіскап Пінскі і Лунінецкі Сцяфан; архіепіскап Гродзенскі і Ваўкавыскі Арцемій; архіепіскап Навагрудскі і Слонімскі Гурый; архіепіскап Полацкі і Глыбоцкі Феадосій; архіепіскап Магілёўскі і Мсціслаўскі Сафроній; архіепіскап Брэсцкі і Кобрынскі Іаан; архіепіскап Гомельскі і Жлобінскі Сцяфан; архіепіскап Сонечнагорскі Сергій, кіраўнік адміністрацыйнага Сакратарыята Маскоўскай Патрыярхіі; епіскап Бабруйскі і Быхаўскі Серафім; епіскап Тураўскі і Мазырскі Леанід; епіскап Нарвскі і Прычудскі Лазар; епіскап Барысаўскі і Мар'інагорскі Веніямін; епіскап Маладзечанскі і Стаўбцоўскі Павел; епіскап Слуцкі і Салігорскі Антоній; епіскап Лідскі і Смаргонскі Парфірый; протаіерэй Іаан Харашэвіч, настаяцель храма роўнаапостальнай Марыі Магдаліны горада Мінска; архімандрыт Сергій (Акімаў), рэктар Мінскай духоўнай акадэміі; духавенства Беларускага Экзархату.

На богаслужэнні прысутнічалі намеснік кіраўніка Адміністрацыі Прэзідэнта Рэспублікі Беларусь У. Р. Жаўняк, Упаўнаважаны па справах рэлігій і нацыянальнасцяў Л. П. Гуляка, Надзвычайны і Паўнамоцны пасол Расійскай Федэрацыі ў Рэспубліцы Беларусь М. В. Бабіч.

Богаслужэбныя спевы выканаў архіерэйскі хор Свята-Духава кафедральнага сабора горада Мінска (рэгент В. І. Сабалеўскі).

Па заканчэнні богаслужэння мітрапаліт Мінскі і Заслаўскі Павел вітаў Свяцейшага ўладыку і паднёс Яго Свяцейшасці абраз блажэннай Валянціны Мінскай.

Прадстаяцель Рускай Царквы звярнуўся да вернікаў з Першасвяціцельскім словам:

«Ваша Высокапраасвяшчэнства, уладыка мітрапаліт Павел! Вашы Высокапраасвяшчэнствы і Праасвяшчэнствы! Дарагія айцы, матушкі ігуменні, браты і сёстры!

Для мяне асаблівая радасць напярэдадні свята Пакрова Прасвятой Багародзіцы прыбыць у горад Мінск і разам з вамі памаліцца ў гэтым кафедральным саборы.

Белая Русь — гэта асаблівая частка гістарычнай Русі. Тут з глыбокай старажытнасці гарэў агонь праваслаўнай веры. З гісторыі добра вядома, што Полацкая епархія стала адной з самых першых епархій у гісторыі Рускай Праваслаўнай Царквы, таму што неўзабаве пасля хрышчэння кіяўлян былі ахрышчаны і жыхары горада Полацка. Таму Белая Русь звязана з самімі вытокамі праваслаўнай веры на нашай зямлі.

Цяжкая гісторыя гэтага месца. Беларусь падвяргалася шматлікім выпрабаванням, самым страшным з якіх стала Вялікая Айчынная вайна. Вораг з асаблівай жорсткасцю раздзіраў гэтую зямлю, але варожы напор выклікаў нябачанае супраціўленне народа, падобнага якому не было нідзе, і шмат у чым дзякуючы гэтаму народнаму супраціву вычарпаліся сілы ворага.

І ў пасляваенны час тут было няпроста. Памятаю, як з Беларускай зямлі даходзілі весткі пра вельмі неспрыяльныя адносіны да мясцовых улад да Царквы, пра тое, як няпроста працякае тут царкоўнае жыццё. Але ж з ласкі Божай, дзякуючы веры нашых бацькоў і дзядоў, дзякуючы веры старэйшага пакалення вера праваслаўная як тут, так і па ўсёй Русі захавалася і сёння прыносіць свой плён.

Мы ведаем, як сёння няпроста на брацкай украінскай зямлі. Мы ведаем, як вораг роду чалавечага апалчыўся на Царкву Праваслаўную, якая праходзіць праз вельмі цяжкія выпрабаванні, але верым, што і брама пякельная не адолее Царкву (Мф.16: 18). Мы верым, што ніякія свецкія сілы, якія ставяць перад сабой мэту знішчыць Царкву, не будуць паспяховыя. І ўсім, хто ў гэтым яшчэ сумняваецца, трэба яшчэ і яшчэ раз успомніць аб нашым недалёкім мінулым, калі ўлада імкнулася знішчыць усякую веру, асабліва Царкву праваслаўную. З якой жа сілай наносіліся ўдары па Целе Царквы! Але нічога не выйшла - Царква засталася духоўнай сілай, якая ў рэшце рэшт запаліла пачуцці людзей і натхніла іх на пабудову зусім іншага быцця. І сёння мы радуемся, што на зямлі Беларускай, на зямлі Рускай адбываюцца станоўчыя перамены, якія садзейнічаюць умацаванню праваслаўнай веры і царкоўнага жыцця.

У гэты юбілейны год мне вельмі хацелася быць разам з вамі. І я радуюся, што разам са мной - члены Свяшчэннага Сінода Рускай Праваслаўнай Царквы. Упершыню за ўсю гісторыю Сінод правядзе сваё пасяджэнне ў Мінску, у сталіцы Беларусі. Гэта будзе важнае пасяджэнне, на якім будуць прымацца рашэнні, звязаныя з ацэнкай царкоўнай сітуацыі на Украіне. Я ўсіх вас прашу маліцца аб тым, каб рашэнні, якія прымаюцца Сінодам, садзейнічалі замірэнню ўкраінскага грамадства, каб праца Сінода садзейнічала ўмацаванню царкоўнага жыцця на Украіне, засцярозе нашай Царквы ад магчымых нападак і прыгнёту».

У дар кафедральнаму сабору Свяцейшы Патрыярх перадаў ікону святога роўнаапостальнага Мяфодзія, вучыцеля Славянскага, для храмаў Мінскай епархіі - 25 напрастольных Евангелляў.

«Няхай Гасподзь дапамагае Вам, Ваша Высокапраасвяшчэнства, усяму епіскапату Беларускай Праваслаўнай Царквы ў здзяйсненні так неабходнага для сучаснага чалавека духоўнай дзейнасці — сказаў Свяцейшы ўладыка, звяртаючыся да мітрапаліта Паўла і архіерэяў Беларускага Экзархату. — Пра матэрыяльнае жыццё клапоціцца дзяржава, і мы бачым, як паспяхова развіваецца Беларусь. Пра духоўнае ж жыццё людзей у першую чаргу павінна клапаціцца Царква, і гэта найвялікшая адказнасць і перад народам, і перад гісторыяй».

Вернікам былі ўручаны іконкі Пакрова Прасвятой Багародзіцы з Патрыяршым благаславеннем.

Затым адбыўся прыём ад імя Мінскай мітраполіі з нагоды візіту Свяцейшага Патрыярха Кірыла ў Беларусь. На прыёме прысутнічалі намеснік кіраўніка Адміністрацыі Прэзідэнта Рэспублікі Беларусь У. Р. Жаўняк, Упаўнаважаны па справах рэлігій і нацыянальнасцяў Рэспублікі Беларусь Л. П. Гуляка, Надзвычайны і Паўнамоцны пасол Расійскай Федэрацыі ў Рэспубліцы Беларусь М. В. Бабіч.

Заўтра, 14 кастрычніка, у свята Пакрова Прасвятой Багародзіцы, Свяцейшы Патрыярх Маскоўскі і ўсяе Русі Кірыл здзейсніць чын вялікага асвячэння храма-помніка ў гонар Усіх святых у Мінску і ўзначаліць ў новаасвячаным храме Бажэственную літургію.

Прэс-служба Патрыярха Маскоўскага і ўсяе Русі / Church.by

Фотарэпартаж