Пошук

У сталіцы пройдзе «Траецкі фэст»

12 чэрвеня 2019

Штогадовы праваслаўны фестываль хрысціянскіх культур «Траецкі фэст 2019» пройдзе 16 чэрвеня ў горадзе Мінску па вуліцы Лідскай, 3 каля храма свяціцеля Мікалая Японскага, пачатак а 13:00.

Фестываль праходзіць пры падтрымцы адміністрацыі Фрунзенскага раёна Мінгарвыканкама, Цэнтра экалагічных рашэнняў, грамадскай арганізацыі «Ахова птушак Бацькаўшчыны», Цэнтра экалагічнага выхавання і развіцця і мае не толькі асветніцка-забаўляльную, але і экалагічную накіраванасць.

Дзень Святой Тройцы, або Пяцідзесятніца, прыпадае на нядзелю праз сем тыдняў пасля Вялікадня і ўсталяваны для ўспаміну Спаслання Святога Духа на апосталаў у выглядзе палымяных языкоў. Гэтае свята, які лічыцца днём нараджэння Царквы, штогод святкавалі яшчэ апосталы і наказалі ўсім хрысціянам.

Арганізатары сардэчна запрашаюць усіх жадаючых сумесна напоўніць гэты дзень радасцю, удзячнасцю, новымі ўражаннямі і яркімі эмоцыямі на «Траецкім фэсце 2019». Для гэтага прадугледжана маса магчымасцяў: батлеечны спектакль, тэатр ценяў, майстар-клас па японскай і рускай каліграфіі, выстава-продаж работ і майстар-клас па ткацтве габеленаў і беларускіх народных паясоў, экскурсія па экасцежцы, майстар-клас па народных танцах і іншыя актыўнасці для дзяцей і дарослых.

Сваім выдатным настроем і яркімі талентамі падзеляцца салісты Вялікага тэатра Беларусі, народны артыст Рэспублікі Беларусь Віктар Манаеў, музыка Алег Хаменка і гурт «Палац», студыя «Варгін» і іншыя ўдзельнікі святочнага канцэрта.

На працягу ўсяго дня на палявой кухні можна будзе паспрабаваць духмяную юшку, асвяжальны халаднік, сакавіты шашлык, грэцкую кашу з тушонкай, сапраўдны узбекскі плоў, хатнюю выпечку, марожанае, гарачыя і халодныя напоі.

!!! Прысутнасць на «Траецкім фэсце 2019» абавязковая — бо Вас, як унікальнае стварэнне Божае, ніхто не заменіць!

Уваход на фестываль БЯСПЛАТНЫ!

У праграме фестывалю:

1. Вялікі канцэрт аматарскіх і прафесійных творчых калектываў для дзяцей і дарослых. Для вас будуць выступаць:

• Хор храма свяціцеля Мікалая Японскага, рэгент Вераніка Аляксандравіч;

• Дзіцячы хор храма свяціцеля Мікалая Японскага, мастацкі кіраўнік Таццяна Пышная;

• Інклюзіўны дзіцячы хор «Радасць душы», мастацкі кіраўнік Алена Маслава;

• Ансамбль грузінскага танца «Сонечная Грузія», мастацкі кіраўнік Дыяна Дарсэлія;

• Дзіцячы музычна-харэаграфічны праект «Шакаладная фабрыка», мастацкі кіраўнік Вольга Місякова;

• Студыя «Варгін»;

• Фолк-медыягрупа «Беларускі гасцінец», мастацкі кіраўнік Ларыса Красна;

• Соф'я Таран (скрыпка, вакал);

• Серафім Храпіцкі (труба);

• Уладзіслаў Савенка (вакал);

• Этнічны гурт «Арацэечка»;

• Лаўрэат міжнародных конкурсаў квартэт саксафаністаў МДМК імя М. Глінкі, мастацкі кіраўнік Павел Казак;

• Ансамбль народнай песні «Лілея», ААТ «Прамагралізінг», мастацкі кіраўнік Таццяна Давыдзюк;

• Армянскі танцавальны ансамбль «Эрэбуні»;

• Віктар Манаеў, народны артыст РБ;

• Данііл Ханкевіч (кларнет);

• Антон Мажынскі (скрыпка);

• Лю Жуйцзэ (сапрана);

• Анастасія Храпіцкая (сапрана) — стажор Вялікага тэатра Беларусі;

• Святлана Марусевіч, Іна Русіноўская, Міхаіл Русіноўскі — салісты Вялікага тэатра Беларусі;

• Алег Хаменка і фолк-рок-гурт «Палац»

і іншыя.

2. Выстава-продаж работ і майстар-клас па ткацтве габеленаў і беларускіх народных паясоў.

3. Гісторыка-экалагічная экскурсія па экасцежцы «Каменная горка» ад Паўла Булатага (кандыдата гістарычных навук, гіда-перакладчыка).

4. Майстар-клас «Хатні гародзік» ад Цэнтра экалагічных рашэнняў (ЦЭР).

5. Экалагічны кінатэатр для дзяцей і дарослых ад ЦЭР.

6. Выстава ад ЦЭР.

7. Экалагічны інфапункт.

8. Пляцоўка назірання за птушкамі і майстар-класы ад Цэнтра экалагічнага выхавання і развіцця.

9. Майстар-клас ад «Амігурумі-клуба».

10. Аквагрым.

11. Перацягванне ліны.

12. Майстар-клас па японскай і рускай каліграфіі.

Church.by