Пошук

Архіепіскап Гродзенскі і Ваўкавыскі Антоній наведаў Цэнтр дапамогі «Вера»

13 кастрычніка 2021

12 кастрычніка 2021 года архіепіскап Гродзенскі і Ваўкавыскі Антоній наведаў сацыяльна-дабрачынную ўстанову дапамогі дзецям і дарослым «Цэнтр дапамогі "Вера"». Падчас візіту архіепіскап Антоній пазнаёміўся з калектывам арганізацыі і асаблівасцямі працы дабрачыннага цэнтра.

Яго Высокапраасвяшчэнства суправаджаў сакратар Гродзенскай епархіі протаіерэй Мікалай Лабынько.

Кіраўніца Цэнтра Антаніна Місюкевіч распавяла гасцям аб працы арганізацыі, аб падапечных і дапамозе, якая ім аказваецца, а таксама пазнаёміла са сваімі калегамі і памочнікамі.

Падчас сустрэчы таксама абмяркоўваліся напрамкі ўзаемнай дапамогі і супрацоўніцтва. Кіруючы архіерэй высока ацаніў працу цэнтра і выказаў сардэчную падзяку яго кіраўніцы і ўсёй камандзе за самаадданае служэнне.

У канцы свайго візіту архіепіскап Антоній паднёс у дар супрацоўнікам цэнтра абраз святога немаўляці Гаўрыіла Беластоцкага.

***

Цэнтр дапамогі «Вера» — некамерцыйная дабрачынная арганізацыя, якая на пастаяннай аснове аказвае дапамогу дзецям-сіротам, цяжкахворым дзецям і дзецям з інваліднасцю, цяжкахворым і маючым патрэбу ў дапамозе дарослых, а таксама сацыяльным і медыцынскім установам па ўсёй Рэспубліцы Беларусь.

Гродзенская епархія/Church.by