Напярэдадні свята Сабора Беларускіх святых мітрапаліт Веніямін здзейсніў усяночнае трыванне ў Свята-Духавым кафедральным саборы горада Мінска
10 ліпеня 2021
10 ліпеня 2021 года, напярэдадні Нядзелі 3-й пасля Пяцідзесятніцы, святкавання Сабора Беларускіх святых, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.
Яго Высокапраасвяшчэнству саслужылі: першы прарэктар Інстытута тэалогіі імя Мяфодзія і Кірыла БДУ протаіерэй Сергій Гардун; сакратар Мінскай епархіі протаіерэй Андрэй Волкаў; ключнік сабора протаіерэй Уладзімір Увараў і клірыкі кафедральнага Свята-Духава сабора.
Богаслужэбныя спевы выканаў архіерэйскі хор пад кіраўніцтвам Віталя Сабалеўскага.
Пропаведзь пасля чытання Евангелля прамовіў клірык Свята-Духава кафедральнага сабора іерэй Раман Арцёмаў.
Пасля завяршэння богаслужэння мітрапаліт Веніямін звярнуўся да духавенства і прыхаджан са словам настаўлення, пасля чаго павіншаваў клірыка Свята-Духава кафедральнага сабора протадыякана Вадзіма Заркова з 20-годдзем дыяканскай хіратоніі і ўручыў яму Грамату Патрыяршага Экзарха.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
