Пошук

2 жніўня Царква святкуе Дзень памяці аднаго з самых шануемых святых Старога Запавету — прарока Божага Іліі

02 жніўня 2021

2 жніўня (20 ліпеня па старым стылі) праваслаўныя хрысціяне святкуюць дзень памяці аднаго з самых шануемых святых Старога Запавету — прарока Божага Іліі. Менавіта яму былі прысвечаны на Русі першыя праваслаўныя храмы. У імя святога Іліі яшчэ пры князі Аскольдзе, да афіцыйнага прыняцця хрысціянства ў 988 годзе, быў узведзены саборны храм у Кіеве. А святая роўнаапостальная княгіня Вольга паставіла царкву ў імя прарока Божага Іліі на поўначы Русі, у вёсцы Выбуты.

Вернікі шануюць прарока Ілію нароўні са святым Мікалаем Цудатворцам. Імя прарока Іліі перакладаецца як «Бог мой Гасподзь», што выказвае асноўны змест яго служэння (пар.: 3 Цар. 18:36) — зацятая барацьба за пакланенне Адзінаму Богу і выяўленне Яго магутнасці сваімі справамі.

Некалі жыццё людзей была непарыўна звязана з гадавым кругам богаслужэнняў і будавалася вакол дат царкоўных свят. У сувязі з гэтым у народзе з'явілася мноства прыкмет. Так, напрыклад, адзначалася, што пасля дня памяці Ільі прарока ў прыродзе справа ідзе да восені, часцей льюць дажджы «Ільін дзень да абеду — лета, пасля абеду — восень» ... але трэба памятаць, што народныя прыкметы не маюць дачынення да веравучэння Царквы.

Варта адзначыць, што не толькі ў дзень памяці прарока Божага Іліі, але і ў любы іншы дзень вялікіх царкоўных святаў, вернікі імкнуцца адкласці свае жыццёвыя справы. Аднак распаўсюджанае сцверджанне, што у святы, у тым ліку нядзельныя дні, ні ў якім разе нельга працаваць, не з'яўляецца царкоўным правілам. Царква ніколі не забараняла працаваць, пры неабходнасці гэта можна рабіць у любы час. Але ў хрысціяніна прыярытэты павінны быць расстаўлены правільна: «Калі Бог будзе на першым месцы, то ўсё астатняе будзе на сваім» — гаварыў блажэнны Аўгусцін Аўрэлій. Вядома, самым правільным для праваслаўнага хрысціяніна будзе сустрэць свята ў храме за богаслужэннем. Але, калі абавязкі перад сям'ёй, службовыя абавялкі не дазваляюць у канкрэтны час наведаць набажэнства ў царкве, то і дома можна праспяваць трапар і кандак прароку Іліі, а таксама прачытаць звернутую да старазапаветнага святога малітву. 

Велічанне прароку Іліі

Велічаем цябе, /

святы слаўны прароча Божы Ілія, /

і шануем на Нябёсы /

на калясніцы вогненнай, /

слаўнае ўзыходжанне тваё.

Трапар прароку Іліі

У плоці Ангел, /
прарокаў падмурак, /
другі Прадцеча прышэсця Хрыстовага, Ілія слаўны, /
які Елісею паслаў звыш благадаць /
немычы адганяць/
і пракажоных ачышчаць, //
таму і шануючых яго абдорвае ацаленнямі.

Кандак прароку Іліі

Прарок і празорлівец вялікіх спраў Бога нашага /

Ілія, чыё імя слаўнае! /

які словам сваім стрымаў выліваючыя дождж аблокі, //

малі за нас Адзінага Чалавекалюбца.

Church.by