Пошук

31 ліпеня стартуе міжнародны фестываль «Адзігітрыя»

11 ліпеня 2017

31 ліпеня ў Духоўна-асветніцкім цэнтры «Дружба» ў вёсцы Бернікі пад Віцебскам пачне сваю работу XV Праваслаўны моладзевы фестываль «Адзігітрыя».

Моладзевы форум будзе праходзіць у два этапы. З 31 ліпеня па 4 жніўня адбудзецца творчая частка, у якую ўвойдуць конкурсы і майстар-класы, духоўныя гутаркі і круглыя сталы, экскурсіі і сольныя выступленні ўдзельнікаў, а таксама гала-канцэрт на сцэне віцебскага Летняга амфітэатра. Пачатак гала-канцэрта 3 жніўня ў 19:00 (уваход вольны).

З 5 па 9 жніўня адбудзецца хрэсны ход Віцебск — Смаленск. Госці фестывалю і паломнікі з розных гарадоў Беларусі, Расіі і Украіны пройдуць пяць дзён з малітвай у горад Смаленск, спраўляючы на прывалах і начлегах імправізаваныя канцэрты. 10 жніўня хрэснаходцы прымуць удзел ва ўрачыстасцях, прысвечаных іконе Смаленскай Божай Маці.

Мэтай фестывалю з'яўляецца аб'яднанне і абмен вопытам прадстаўнікоў праваслаўных моладзевых рухаў, музычных калектываў, аўтараў-выканаўцаў, паэтаў, якія займаюцца духоўнай творчасцю.

Запрашаем Вас на фестываль у якасці гасцей, удзельнікаў конкурсу, паломнікаў ў горад Смаленск. Узрост удзельнікаў не абмежаваны.

Старшыня аргкамітэта протаіерэй Аляксандр Кавалёў

Тэл.: +375 33 3 059 967, +375 29 9 395 451.

Каардынатары мерапрыемства

Уладзімір Мікалаевіч Грушын
Тэл.: +375 295 983 710.

Ганна Малікава
Тэл.: +375 298 921 360; email: iva13s@mail.ru.

«Вконтакте»: https://vk.com/id220419161.

Старонка фестываля «Адзігітрыя»: https://vk.com/odigitriya.

Папярэднюю праграму фестываля можна спампаваць, перайшоўшы па спасылцы.

Віцебская епархія / Church.by