Пошук

31 кастрычніка ў храмах і манастырах Беларускага Экзархату праходзяць памінальныя набажэнствы аб бязвінна забітых і тых, хто знаходзіўся ў зняволенні ў гады багаборства

31 кастрычніка 2021

30 кастрычніка 2021 года ў Расіі ўпершыню пройдзе дзень здзяйснення памінальных набажэнстваў аб усіх праваслаўных хрысціянах, якія бязвінна багаборцамі забітыя або бязвінна знаходзіліся ў зняволенні. Ён усталяваны на пасяджэнні Сінода Рускай Праваслаўнай Царквы, які прайшоў 23-24 верасня (журнал №70). Сінодам Самакіравальных Цэркваў, Экзархатаў, мітрапалічых акруг было прапанавана вызначыць дзень здзяйснення асаблівых памінальных набажэнстваў зыходзячы з мясцовых патрэб і ўмоў.

Улічваючы важнасць прынятага рашэння для ўсёй паўнаты Рускай Праваслаўнай Царквы, Патрыяршы Экзарх усяе Беларусі мітрапаліт Мінскі і Заслаўскі Веніямін мяркуе неабходным здзяйсняць такое памінанне і ў епархіях Беларускага Экзархату.

У сувязі з гэтым ва ўсіх храмах і манастырах Беларускай Праваслаўнай Царквы ў бліжэйшы нядзельны дзень, 31 кастрычніка 2021 года, на які ў гэтым каляндарным годзе выпадае пераходзячае святкаванне Сабора навамучанікаў і вызнаўцаў зямлі Беларускай, за Бажэственнай літургіяй благаслаўляецца здзейсніць памінанне «ўсіх праваслаўных хрысціян, бязвінна багаборцамі забітых і тых, што бязвінна знаходзіліся ў зняволенні».

Яшчэ дзесяць гадоў таму Архіерэйскі Сабор РПЦ падкрэсліў, што Праваслаўная Царква, шануючы святасць навамучанікаў і вызнаўцаў ХХ стагоддзя, «памятае не толькі праслаўленых ёю святых, але і ўсіх нявінных ахвяр рэпрэсій, заклікаючы грамадства захаваць памяць аб гэтых трагічных старонках гісторыі».

Church.by