Пошук

Ансамбль «Стрэчанне» з Мінска прыняў удзел ва ўрачыстасцях у гонар Супрасльскай іконы Божай Маці

17 жніўня 2017

Урачыстыя богаслужэнні ў гонар свята Супрасльскай іконы Божай Маці адбыліся 9 жніўня ў Благавешчанскім Супрасльском мужчынскім манастыры, які з'яўляецца самым значным цэнтрам Праваслаўя на тэрыторыі Польшчы. У гэтай абіцелі быў створаны пеўчы ірмалагіён XVI стагоддзя, які адыграў важную ролю ў развіцці богаслужэбнага мастацтва Рускай Праваслаўнай Царквы.

Святочную Літургію ўзначаліў Блажэннейшы Сава, мітрапаліт Варшаўскі і ўсяе Польшчы. Прадстаяцелю Польскай Праваслаўнай Царквы саслужылі: мітрапаліт Уладзімір-Валынскі і Ковельскі Уладзімір, архіепіскап Элісцінскі і Калмыцкі Юстыніян, архіепікап Ціраспальскі і Дубасарскі Сава, іерархі і святары Польскай Праваслаўнай Царквы. Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, у богаслужэнні прымалі ўдзел настаяцель прыхода храма Наражэння Іаана Прадцечы ў горадзе Мінску протаіерэй Фёдар Жалянгоўскі і парафіяльны ансамбль старажытнарускага спеўнага мастацтва «Стрэчанне» пад кіраўніцтвам Вольгі Суарэс. Акрамя таго, у ўрачыстасці прынялі ўдзел змешаны хор Супрасльскага манастыра і дзіцячы хор.

Намеснік манастыра ігумен Міран (Хадакоўскі) асабіста запрасіў ансамбль «Стрэчанне», каб падчас саборнай Бажэственнай літургіі былі выкананы старадаўнія супрасльскія распевы, расшыфраваныя Анатолем Канатопам. У Літургіі спалучаліся гарманічны спеў, старадаўнія одноголосныя спевы і спевы з ісонам, якія нібы звязалі ў адно цэлае мінуўшчыну, сучаснасць і прышласць. Мітрапаліт Сава ў прывітальным слове падкрэсліў важную ролю Супрасльскага ірмалагіёна ў развіцці рускага богаслужэбнага мастацтва і падзякаваў мінскаму ансамблю за адраджэнне гэтых спеваў.

Ансамбль прыняў удзел не толькі ў Літургіі, але і ў вячэрнім богаслужэнні. Калі Літургія была выканана старажытнымі напевамі ў спалучэнні з гарманічным спевам, то ўсяночнае трыванне — антыфонна (па сціху). Падчас вячэрняга богаслужэння сола «Велічіт душа моя Господа» выканаў пеўчы Іаана-Прадцечанскага храма і ўдзельнік ансамбля «Стрэчанне» Серафім Суарэс. Упрыгожэннем усяночнага трывання стала спяванне духавенства.

Па просьбе намесніка манастыра ансамбль запісаў выбраныя спевы з Супрасльскага ірмалагіёна. У найбліжэйшай будучыні плануецца выданне дыска з песнапеннямі ў выкананні ансамбля «Стрэчанне» і хору Супрасльскага манастыра.

Намеснік манастыра асабіста выказаў падзяку і надзею на далейшае супрацоўніцтва настаяцелю прыхода храма Нараджэння Іаана Прадцечы протаіерэю Фёдару Желянгоўскаму, дзякуючы намаганням якога адбылася гэтая паездка.

Church.by

Фотарэпартаж