Пошук

Архіепіскап Гомельскі і Жлобінскі Сцяфан прыняў удзел у добраўпарадкаванні тэрыторыі вакол капліцы ў гонар святога дабравернага князя Аляксандра Неўскага

15 чэрвеня 2022

15 чэрвеня 2022 года архіепіскап Гомельскі і Жлобінскі Сцяфан сумесна з сакратаром Гомельскай епархіі протаіерэем Георгіем Алампіевым і настаяцелямі прыходаў горада Гомеля правялі акцыю па добраўпарадкаванні тэрыторыі, якая прылягае да капліцы ў гонар святога дабравернага князя Аляксандра Неўскага, прысвечанай воінам-вызваліцелям Вялікай Айчыннай вайны.

Згодна з праектам, вакол капліцы будзе разбіты сквер, даступны для наведвання ў любы час. Тэрыторыя комплексу ўжо вельмі змянілася: нядаўна тут стаяў будаўнічы плот, а сёння ўжо ўсталяваны новыя бардзюры і выкладзеная плітка. Каб зрабіць тэрыторыю яшчэ ўтульней, архіепіскап і святары высадзілі некалькі дзесяткаў туй.

Як адзначыў архіепіскап Сцяфан, ідэя сумеснай пасадкі дрэў паўстала не выпадкова, такім чынам у будучы сквер была закладзена часцінка душы і працы кожнага. «Дрэвы – гэта не толькі эстэтыка, але і клопат пра экалогію нашага горада. Хочацца верыць, што сквер ля капліцы стане адным з любімых месцаў гараджан» – рэзюмаваў уладыка.

Гомельская епархія/Church.by