Архіепіскап Гомельскі і Жлобінскі Сцяфан здзейсніў асвячэнне храма свяціцеля Ціхана Задонскага ў вёсцы Івакі Добрушскага раёна Гомельскай вобласці

17 кастрычніка 2021

top.jpg

17 кастрычніка 2021 года, у Нядзелю 17-ю пасля Пяцідзесятніцы, архіепіскап Гомельскі і Жлобінскі Сцяфан здзейсніў асвячэнне храма свяціцеля Ціхана Задонскага ў вёсцы Івакі Добрушскага раёна Гомельскай вобласці і ўзначаліў у ім Бажэственную літургію.

Яго Высокапраасвяшчэнству саслужылі: сакратар Гомельскай епархіі протаіерэй Георгій Алампіеў, благачынны Добрушскай акругі протаіерэй Аляксій Піліпенка і духавенства епархіі.

За богаслужэннем маліліся ігумення Вера (Афонькіна) з сёстрамі Ціхвінскага жаночага манастыра горада Гомеля і старэйшая манахіня Архелая (Новікава) з сёстрамі Іаана-Кармянскага жаночага манастыра вёскі Карма.

Падчас Літургіі былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай пошасці.

Па заканчэнні богаслужэння адбыўся хрэсны ход вакол новаасвячанага храма. 

2021-10-17--52.jpg

У падзяку за працу на карысць Святой Царквы ў Гомельскай епархіі архіепіскап Сцяфан узнагародзіў асабліва папрацаваўшых прыхаджан архіерэйскімі граматамі, а таксама павіншаваў духавенства і ўсіх вернікаў з такой значнай падзеяй — асвячэннем храма.

Гомельская епархія/Сhurch.by