Пошук

Архіепіскап Магілёўскі і Мсціслаўскі Сафроній і протаіерэй Фёдар Поўны прынялі ўдзел у Магілёўскай абласной канферэнцыі педагогаў

27 жніўня 2021

Архіепіскап Магілёўскі і Мсціслаўскі Сафроній і старшыня Сінадальнага аддзела Беларускай Праваслаўнай Царквы па супрацоўніцтве са свецкімі ўстановамі адукацыі протаіерэй Фёдар Поўны прынялі ўдзел у абласной канферэнцыі педагагічных работнікаў, дзе абмеркавалі прыярытэтныя напрамкі сістэмы адукацыі — выхаванне і развіццё асобы.

У маштабным форуме ўдзельнічалі: міністр адукацыі Ігар Карпенка. старшыня Магілёўскага абласнога выканаўчага камітэта Леанід Заяц, яго намеснік Валерый Малашка, памочнік Прэзідэнта Рэспублікі Беларусь — інспектар па Магілёўскай вобласці Леанід Мартынюк, старшыня абласнога Савета дэпутатаў Ірына Раінчык і педагагічная супольнасць рэгіёна.

У прывітальным слове да ўдзельнікаў сходу Яго Высокапраасвяшчэнства адзначыў, што выхаванне маладых людзей, г. зн. стварэнне ў іх духоўна-маральнай асновы, — гэта найважнейшая задача, ад выканання якой залежыць будучыня нашага грамадства. Царква і дзяржава павінны прыкладаць тут сумесныя намаганні. Задача школы не проста перадача ведаў, але і выхаванне навучэнцаў, якім неабходна прывіваць навыкі дабра, міласэрнасці, цноты і шанавання старэйшых.

На думку губернатара Леаніда Зайца, сучасныя школы павінны не толькі даваць веды, але і выхоўваць: «Настаўнік павінен быць духоўным вучыцелем. Неабходна з ранняга ўзросту гадаваць сапраўдных грамадзян і патрыётаў, людзей з моцным унутраным стрыжнем, якія гатовыя ў любы момант стаць на абарону бліжняга, а ў будучыні — на абарону краіны. З дзіцячага садка і першага класа школы дзецям трэба прывіваць гонар за Беларусь, за наша мінулае і сучаснасць».

Начальнік Галоўнага ўпраўлення па адукацыі аблвыканкама Андрэй Заблоцкі, выступаючы перад прысутнымі, акцэнтаваў увагу на тое, што статус настаўніка — гэта, перш за ўсё, яго аўтарытэт: «Усё залежыць ад асобы, характару, кампетэнтнасці і прафесіяналізму самога педагога. Нам патрэбны адукаваныя, маральныя педагогі, здольныя самастойна прымаць адказныя рашэнні ў сітуацыі выбару. Яны павінны адрознівацца канструктывізмам, валодаюць развітым пачуццём адказнасці за лёс дзяцей і краіны ў цэлым».

Падводзячы вынікі педагагічнай канферэнцыі, міністр адукацыі Ігар Карпенка падкрэсліў, што сёння ў кожнай вобласці абмяркоўваюцца ўсе новаўвядзенні, якія ў хуткім часе будуць прапісаны ў абноўленым Кодэксе аб адукацыі.

Падчас канферэнцыі лепшыя спецыялісты сферы адукацыі рэгіёну былі ўзнагароджаны ганаровымі граматамі і падзякамі абласнога Савета дэпутатаў, абласнога выканаўчага камітэта, Міністэрства адукацыі, Міністэрства спорту і турызму Рэспублікі Беларусь, Адміністрацыі Прэзідэнта Рэспублікі Беларусь, Савета Рэспублікі Нацыянальнага сходу Рэспублікі Беларусь, а таксама нагруднымі знакамі «Выдатнік адукацыі».

Магілёўская епархія/Church.by