Пошук

Архіпастыры з Беларусі, Расіі і Узбекістана наведалі значныя месцы Гомельскай епархіі

11 жніўня 2024

11 жніўня 2024 года архіерэі з Беларусі, Расіі і Узбекістана, якія прыбылі на ўрачыстасці ў гонар прападобнай Манефы Гомельскай і 200-годдзя з дня асвячэння Петра-Паўлаўскага кафедральнага сабора, наведалі шэраг значных месцаў Гомельскай епархіі. Па завяршэнні святочнага саборнага набажэнства ганаровыя госці наведалі прысвечаную воінам-вызваліцелям капліцу ў гонар святога дабравернага князя Аляксандра Неўскага ў Гомелі. Мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў ліцію, прысутныя запалілі свечкі аб упакаенні ваяроў. Архіепіскап Сцяфан расказаў гасцям пра капліцу, пабудаваную для ўвекавечання вялікай мужнасці беларускага народа. У ёй знаходзяцца 990 капсул з зямлёй з месцаў пахавання воінаў і самых значных бітваў на тэрыторыі ўсёй Гомельскай вобласці і іншых рэгіёнаў Беларусі. Затым архіпастыры наведалі Нікольскі мужчынскі манастыр у Гомелі і манастырскі некропаль, дзе Мітрапаліт Ташкенцкі і Узбекістанскі Вікенцій узначаліў ліцію на магіле незабыўнага архіепіскапа Арыстарха (Станкевіча). У мінулым ўладыка Вікенцій і незабыўны ўладыка Арыстарх разам неслі послух у Троіца-Сергіевай Лаўры. Затым архіерэі наведалі Гомельскае епархіяльнае ўпраўленне, дзе для іх была праведзена экскурсія па дамавым храме-музеі ў гонар Сабора ўсіх Беларускіх святых.

 Гомельская епархія/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok

Фотарэпартаж