Пошук

Бегма з дабром: у сталічным прыходзе іконы Божай Маці «Усецарыца» адбыўся першы добраахвотніцкі забег

03 снежня 2018

Першы добраахвотніцкі забег прайшоў у парафіі іконы Божай Маці «Усецарыца» (Мінск) у першы дзень зімы.

Сярод гасцей, якіх ужо можна назваць сябрамі парафіяльнага дабравольніцкага руху, былі Нацыянальны дырэктар міжнародных конкурсаў прыгажосці Вікторыя Шыдлоўская, вядучая тэлеканала РУ.ТВ Беларусь, спявачка і шматдзетная мама Юлія Аляксандрава і фатограф Беларускай федэрацыі лёгкай атлетыкі Слава Патыш.

Усяго ў забегу ўзялі ўдзел 27 бегуноў, з якіх 10 беглі 5 км, астатнія - 2 км. наймацнейшымі на дыстанцыі 5 км сталі: 1 — Юрый Чычын (бягун з Барысава), 2 — Аляксей Саевіч (бягун з Мінска), 3 — Мікіта Казянцоў (прадстаўнік першаснай арганізацыі Фрунзенскага раёна Беларускай асацыяцыі дапамогі дзецям-інвалідам і маладым інвалідам). А на дыстанцыі 2 км пераможцамі сталі добраахвотнікі, прыхаджане храма і сябры дабравольніцкага руху: 1 — Віктар Нячаеў і Наталля Грыгор'ева, 2 — Георгій Новік.

Кожны ўдзельнік атрымаў медаль, а пераможцам уручылі дыпломы і памятныя прызы. Добраахвотнікі перадалі невялікія падарункі дзецям-інвалідам з Фрунзенскага раёна праз прадстаўнікоў Беларускай асацыяцыі дапамогі дзецям-інвалідам і маладым інвалідам. Пасля забегу ўсе пачаставаліся духмянай гарбатай і цёплымі піражкамі, а таксама выбралі і набылі сувеніры, зробленыя на Усецарыцынскіх вечарынах.

Усе сродкі, сабраныя падчас забегу, пойдуць на набыццё інваліднай каляскі. 

Дабраволец.by / Church.by