Падпісана пагадненне аб супрацоўніцтве паміж РНПЦ анкалогіі і медыцынскай радыялогіі імя М.М. Аляксандрава і прыходам храма Святой Жыццепачатнай Троіцы вёскі Бараўляны Мінскага раёна

8 чэрвеня 2023 года адбылося падпісанне Пагаднення аб супрацоўніцтве паміж Рэспубліканскім навукова-практычным цэнтрам анкалогіі і медыцынскай радыялогіі імя М.М. Аляксандрава і прыходам храма Святой Жыццепачатнай Троіцы вёскі Бараўляны Мінскага раёна. Пагадненне рэгламентуе пытанні акармлення дадзенай установы і наведванне яго сёстрамі міласэрнасці.

Архіепіскап Брэсцкі і Кобрынскі Іаан здзейсніў вялікае асвячэнне храма ў гонар прападобнай Еўфрасінні Полацкай у горадзе Драгічыне

5 чэрвеня 2023 года, у дзень памяці прападобнай Еўфрасінні, ігуменні Полацкай, архіепіскап Брэсцкі і Кобрынскі Іаан здзейсніў вялікае асвячэнне храма ў гонар прападобнай Еўфрасінні Полацкай у горадзе Драгічыне і Бажэственную літургію ў новаасвячоным храме.

Адбыліся ўрачыстасці, прысвечаныя 850-годдзю прастаўлення прападобнай Еўфрасінні, ігуменні і князёўны Полацкай

5 чэрвеня 2023 года Патрыяршы Экзарх усяе Беларусі Мітрапаліт Мінскі і Заслаўскі Веніямін узначаліў у Спаса-Еўфрасіннеўскім манастыры горада Полацка ўрачыстасці, прысвечаныя 850-годдзю прастаўлення заснавальніцы манастыра прападобнай Еўфрасінні, ігуменні і князёўны Полацкай.

Пасланне Сінода Беларускай Праваслаўнай Царквы ў сувязі з 850-годдзем прастаўлення прападобнай Еўфрасінні, ігуменні і князёўны Полацкай

Сёння мы малітоўна шануем памяць вялікай святой беларускай зямлі — прападобнай Еўфрасінні, ігуменні Полацкай, і просім яе хадайніцтва каля прастола Божага за ўвесь наш народ, каб Бог дараваў нам сваю дапамогу і дбайнасць пра духоўнае жыццё.

У Нядзелю 7-ю пасля Пасхі Мітрапаліт Веніямін здзейсніў Бажэственную літургію ў храме свяціцеля Мікалая Цудатворца пасёлка Прывольны

28 мая 2023 года, у Нядзелю 7-ю пасля Пасхі, святых айцоў I Усяленскага сабора (325), Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме свяціцеля Мікалая Цудатворца пасёлка Прывольны.

У Барысаве адбыўся рэспубліканскі семінар-практыкум «Метадычныя пытанні арганізацыі летніх праваслаўных лагераў»

Арганізатарамі мерапрыемства, якое прайшло ў адукацыйна-аздараўленчым лагеры «Чайка» аграгарадка Стара-Барысаў, выступілі Сінадальны аддзел рэлігійнай адукацыі і катэхізацыі Беларускай Праваслаўнай Царквы і аддзел рэлігійнай адукацыі і катэхізацыі Барысаўскай епархіі.

У выдавецтве Мінскай духоўнай семінарыі выйшла кніга пра архіепіскапа Ермагена (Голубева) (1896-1978)

Выпуск кнігі адкрывае серыю «Манаграфіі і даследаванні Мінскай духоўнай семінарыі».

Архіепіскап Брэсцкі і Кобрынскі Іаан здзейсніў вялікае асвячэнне храма ў гонар свяціцеля Мікалая Цудатворца ў аграгарадку Закозель Драгічынскага раёна

20 мая 2023 года, у дзень памяці Жыровіцкай іконы Божай Маці, архіепіскап Брэсцкі і Кобрынскі Іаан здзейсніў вялікае асвячэнне храма ў гонар свяціцеля Мікалая Цудатворца ў аграгарадку Закозель Драгічынскага раёна, а затым узначаліў у новаасвячоным храме Бажэственную літургію.

У Бабруйску адбылося пленарнае пасяджэнне XI Міжнароднага фестывалю ў падтрымку сям'і мацярынства і дзяцінства «Шчасце ў дзецях»

Адкрыў пасяджэнне і даў сваё благаславенне ўдзельнікам фестывалю епіскап Бабруйскі і Быхаўскі Серафім.

Па матэрыялах СМІ: артыкул з цыклу «Воіны духу» пра беларускага святара Мікалая Усціновіча

У гады Вялікай Айчыннай вайны айцец Мікалай выратаваў дзясяткі вернікаў ад немінучай гібелі, а вёску Ганчары — ад долі Хатыні. Але што яму за гэта давялося перажыць? Прысуд ваеннага трыбунала быў жорсткі: 25 гадоў папраўча-працоўных лагераў з паразай у правах на пяць гадоў і канфіскацыяй маёмасці.

Экзаршы інклюзіўны хор «Радасць душы» прыняў удзел у Міжнародным інклюзіўным музычным фестывалі «Сонечная музыка»

З 20 па 24 красавіка 2023 года ў Маскве праходзіў V Міжнародны інклюзіўны фестываль «Сонечная музыка», у якім прынялі ўдзел творчыя калектывы з Расіі, Арменіі, Ірана, Малдовы і Беларусі.

У Мінску завяршыўся Міжнародны маладзёжны форум «Духоўнасць. Міралюбнасць. Адзінства. Моладзь за адраджэнне і стварэнне ў імя будучыні»

З 15 сакавіка па 27 красавіка 2023 года ў Рэспубліцы Беларусь праходзіў Міжнародны маладзёжны форум «Духоўнасць. Міралюбнасць. Адзінства. Моладзь за адраджэнне і стварэнне ў імя будучыні», які быў прымеркаваны да года міру і стварэння.

На базе Мінскай духоўнай семінарыі і Успенскага Жыровіцкага мужчынскага манастыра адбыўся злёт праваслаўнай моладзі Беларусі

Арганізатарамі злёту выступілі Сінадальны аддзел па справах моладзі Беларускай Праваслаўнай Царквы і Мінская духоўная семінарыя.

У дзень памяці свяшчэннамучаніка Канстанціна Жданава, прасвітара Шаркаўшчынскага, Патрыяршы Экзарх усяе Беларусі ўзначаліў Бажэственную літургію ў Богаяўленскім кафедральным саборы горада Полацка

Па завяршэнні богаслужэння адбылося адкрыццё фотагалерэі «Першы новамучанік Беларускай зямлі», прэзентацыю якой правёў епіскап Полацкі і Глыбоцкі Ігнацій.

Архіепіскап Магілёўскі і Мсціслаўскі Сафроній узначаліў урачыстасці ў гонар іконы Божай Маці «Бялыніцкая»

Напярэдадні ўрачыстасцяў, 23 красавіка, з Магілёва ў Бялынічы выйшаў хрэсны ход. Паломнікі з абразом Уваскрасення Хрыстова і абразом Божай Маці «Бялыніцкая» саборна спяваючы пасхальны трапар пераадолелі больш за 45 кіламетраў шляху. Малітоўнае шэсце ўзначалілі іерэй Андрэй Шаварын і іерэй Ігар Шнэйдэр.