У дзень памяці свяшчэннамучаніка Канстанціна Жданава, прасвітара Шаркаўшчынскага, Патрыяршы Экзарх усяе Беларусі ўзначаліў Бажэственную літургію ў Богаяўленскім кафедральным саборы горада Полацка

Па завяршэнні богаслужэння адбылося адкрыццё фотагалерэі «Першы новамучанік Беларускай зямлі», прэзентацыю якой правёў епіскап Полацкі і Глыбоцкі Ігнацій.

Архіепіскап Магілёўскі і Мсціслаўскі Сафроній узначаліў урачыстасці ў гонар іконы Божай Маці «Бялыніцкая»

Напярэдадні ўрачыстасцяў, 23 красавіка, з Магілёва ў Бялынічы выйшаў хрэсны ход. Паломнікі з абразом Уваскрасення Хрыстова і абразом Божай Маці «Бялыніцкая» саборна спяваючы пасхальны трапар пераадолелі больш за 45 кіламетраў шляху. Малітоўнае шэсце ўзначалілі іерэй Андрэй Шаварын і іерэй Ігар Шнэйдэр.

У дзень Радаўніцы Патрыяршы Экзарх узначаліў Бажэственную літургію ў Лядзенскім мужчынскім манастыры ў гонар Благавешчання Прасвятой Багародзіцы

25 красавіка 2023 года, у аўторак 2-га тыдня Пасхі, дзень Радаўніцы, Патрыяршы Экзарх усяе Беларусі Мітрапаліт Мінскі і Заслаўскі Веніямін наведаў Лядзенскі мужчынскі манастыр у гонар Благавешчання Прасвятой Багародзіцы.

Мінпрыроды заклікае не несці на могілкі пластыкавыя кветкі — штогод іх аказваецца на звалках каля мільёна

Штогод пасля святаў на палігоны цвёрдых камунальных адходаў вывозяць каля 1 мільёна пластыкавых кветак. Тэрмін іх раскладання — ад ста да пяцісот гадоў. Другаснай апрацоўцы яны не падлягаюць.

Адышоў да Госпада архіепіскап Арцемій (Кішчанка)

22 красавіка 2023 года ў 01:30 на 71-м годзе жыцця адышоў да Госпада Праасвяшчэнны архіепіскап Арцемій (Кішчанка), які з 1996 па 2021 гады ўзначальваў Гродзенскую епархію Беларускай Праваслаўнай Царквы.

У Мінску адбылося ўрачыстае перанясенне шануемага спісу Крупецкай іконы Божай Маці са Свята-Духава кафедральнага сабора для пастаяннага знаходжання ў храм Пакрова Прасвятой Багародзіцы

Самы шануемы на сёння спіс Крупецкай іконы Божай Маці многія гады захоўваўся ў Свята-Духавым кафедральным саборы горада Мінска. Рашэнне аб перанясенні святыні для пастаяннага знаходжання на месца з'яўлення яе першавобраза было прынята Радай Мінскай епархіі на пасяджэнні ад 24 сакавіка 2023 года.

У свята Светлага Хрыстова Уваскрасення Патрыяршы Экзарх здзейсніў урачыстае велікоднае богаслужэнне ў Свята-Духавым кафедральным саборы горада Мінска

У ноч на 16 красавіка 2023 года, у свята Светлага Хрыстова Уваскрасення, Мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў хрэсны ход, святочную пасхальную ўтраню і Бажэственную літургію свяціцеля Іаана Златавуста ў Свята-Духавым кафедральным саборы горада Мінска.

У свята Уваходу Гасподняга ў Іерусалім Патрыяршы Экзарх узначаліў Бажэственную літургію ў Свята-Духавым кафедральным саборы горада Мінска

Пасля заамвоннай малітвы Патрыяршы Экзарх і саслужачыя святары здзейснілі асвячэнне галін вербаў і слаўленне святу.

У Камісію па кананізацыі святых БПЦ перададзены ўнікальныя матэрыялы з Нацыянальнага гістарычнага архіва аб святым праведным Іаане Кармянскім

Адным з найважнейшых дакументаў стала завераная копія метрычнага запісу аб дакладным дні і абставінах скону айца Іаана, якая нядаўна была выяўлена вядучым навуковым супрацоўнікам аддзела выкарыстання дакументаў і інфармацыі Нацыянальнага гістарычнага архіва Уладзімірам Дзянісавым.

Старшыня Сінадальнага аддзела па супрацоўніцтве са свецкімі ўстановамі адукацыі БПЦ протаіерэй Фёдар Поўны наведаў Полацкую епархію

4 красавіка 2023 года ў сярэдняй школе №1 горада Полацка па благаславенню Высокапраасвяшчэннейшага Веніяміна, Мітрапаліта Мінскага і Заслаўскага, Патрыяршага Экзарха ўсяе Беларусі, прайшоў семінар «Рэалізацыя новай стратэгіі ўзаемадзеяння Беларускага Экзархату і Міністэрства адукацыі Рэспублікі Беларусь па духоўна-маральным выхаванні падрастаючага пакалення».

У Слуцку адбыліся ўрачыстасці, прысвечаныя праведнай Сафіі, княгіні Слуцкай

Узначаліў святкаванне Мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Слуцкай епархіі, яму саслужылі Мітрапаліт Смаленскі і Дарагабужскі Ісідар і епіскап Маладзечанскі і Стаўбцоўскі Павел.

Мінская духоўная семінарыя запрашае на Велікодныя багаслоўскія курсы

Курсы арыентаваны на студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх, хто жадае павысіць узровень сваіх ведаў у галіне праваслаўнага багаслоўя.

Выпускнікі Летняй школы жэставай мовы падрыхтавалі для людзей з праблемамі слыху ролік пра сэнс Вялікага посту [+відэа]

Да сярэдзіны Вялікага посту выпускнікі Летняй школы жэставай мовы падрыхтавалі кароткае відэа для сацыяльных сетак, якое распавядае пра сутнасць посту ў даступнай для людзей з праблемамі слыху форме.

Адбылася сустрэча адміністрацыі і працоўнага калектыву Белдзяржфілармоніі са старшынёй Савета па культуры Мінскай епархіі, дырэктарам Мінскага духоўнага вучылішча протаіерэем Іаанам Задарожыным

У святле тэматыкі Адзінага дня інфармавання — «80-годдзе трагедыі ў Хатыні» — протаіерэй Іаан Задарожын падкрэсліў, што абавязак сучаснікаў свята захоўваць памяць аб загінуўшых, тым самым засцерагаючы і ўмацоўваючы духоўнае адзінства нашай краіны.

Прадстаяцель Беларускай Праваслаўнай Царквы здзейсніў асвячэнне храма ў гонар Нараджэння Прасвятой Багародзіцы ў мемарыяльным комплексе «Хатынь»

18 сакавіка 2022 года, у суботу сядміцы 3-й Вялікага посту, дзень памінання памерлых, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў асвячэнне храма ў гонар Нараджэння Прасвятой Багародзіцы ў мемарыяльным комплексе «Хатынь», а затым узначаліў у новаасвячоным храме першую Бажэственную літургію.