Выйшла кніга пра малавывучаны перыяд гісторыі Мінскай епархіі

Выдавецтва «Медыял» выпусціла кнігу архімандрыта Сергія (Брыча) «Мінская епархія ў 1959 годзе». Пры напісанні кнігі аўтар звярнуўся да выяўленага ім у архіве Свята-Духава кафедральнага сабора горада Мінска рукапісу справаздачы аб жыцці Мінскай епархіі ў 1959 годзе, падрыхтаванай мітрапалітам Мінскім і Беларускім Гурыем (Ягоравым). Выданне прызначана даследчыкам гісторыі Беларускай Праваслаўнай Царквы, аспірантам, студэнтам духоўных і свецкіх навучальных устаноў, усім, хто цікавіцца гісторыяй Беларусі.