Доктар філалагічных навук з Расіі прачытаў у МінДА лекцыю «Духоўнасць і маральнасць у лічбавую эпоху»
24 красавіка 2018
12 красавіка 2018 года Мінскую духоўную акадэмію наведаў вядомы расійскі філолаг, літаратуразнаўца і культуролаг, доктар філалагічных навук, прафесар Аляксандр Мікалаевіч Ужанкоў, сапраўдны член Акадэміі Расійскай славеснасці.
У актавай зале МінДА вучоны прачытаў лекцыю на тэму «Духоўнасць і маральнасць у лічбавую эпоху». На лекцыі прысутнічалі студэнты факультэта філасофіі і сацыяльных навук Беларускага дзяржаўнага ўніверсітэта разам з дэканам факультэта, кандыдатам гістарычных навук Вадзімам Гігіным і загадчыкам вучэбна-метадычнага кабінета кроскультурнага дыялогу Юрыем Сіверцавым, студэнты Інстытута тэалогіі Беларускага дзяржаўнага ўніверсітэта, а таксама рэктар, студэнты і супрацоўнікі Мінскай духоўнай акадэміі.
Пасля лекцыі адбылася сустрэча Аляксандра Ужанкова з рэктарам акадэміі архімандрытам Сергіем (Акімавым), які расказаў госцю аб дзейнасці беларускай багаслоўскай школы, а таксама правёў экскурсію па Царкоўна-гістарычнаму музею Беларускай Праваслаўнай Царквы. Завяршылася сустрэча абменам памятнымі падарункамі. Аляксандр Ужанкоў паднёс у дар бібліятэцы акадэміі сваю навуковую манаграфію «Гістарычная паэтыка старажытнарускай славеснасці. Генезіс літаратурных фармацый».
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
