Экалагічны семінар «Праз стварэнне да Тварца» пройдзе ў Бабруйску

Навіны

05 верасня 2017

16-17 верасня 2017 года ў духоўна-асветніцкім цэнтры «Дружба» (горад Бабруйск) адбудзецца семінар «Праз стварэнне да Тварца», прысвечаны Дню малітвы аб Божым стварэнні.

Арганізатарам семінара выступае Сінадальны аддзел па справах моладзі Беларускай Праваслаўнай Царквы пры падтрымцы праграмы «Царква і ахова навакольнага асяроддзя» Цэнтра экалагічных рашэнняў, а таксама аддзела па рабоце з моладдзю Бабруйскай епархіі.

Гісторыя святкавання Дня стварэння ў Праваслаўных Цэрквах пачынаецца з 1989 года, калі Канстанцінопальскі Патрыярх Дзімітрый I прапанаваў 1 верасня зрабіць асаблівым днём малітвы аб захаванні стварэння Божага. У яго пасланні ад 1 верасня 1989 года гаварылася: «Таму дадзеным Патрыяршым пасланнем мы просім увесь хрысціянскі свет сумесна з Маці Хрыстовай Царквой, Усяленскім Патрыярхатам, штогод у гэты дзень узносіць малітвы і просьбы да Стваральніка ўсяго і ў падзяку за вялікі дар тварэння, і з просьбай аб захаванні і абароне стварэння».

Згодна з рашэннем Свяшчэннага Сінода Рускай Праваслаўнай Царквы ад 13 ліпеня 2015 года (журнал № 41), штогадовым Днём малітвы аб Божым стварэнні з'яўляецца першы нядзельны дзень верасня. Свяшчэннаначалле прадпісвае архіпастырам і пастырам прысвячаць у гэты дзень пропаведзь клопату аб навакольным свеце.

У рамках семінара плануюцца:

Гутаркі са святарамі і гасцямі семінара аб асцярожным стаўленні да стварэння
Майстар-класы
Практычныя мерапрыемствы па ахове навакольнага асяроддзя
Начная Бажэственная літургія

Для ўдзелу ў семінары запрашаюцца маладыя людзі ад 14 гадоў, члены моладзевых брацтваў і парафіяльных моладзевых груп, а таксама ўсе зацікаўленыя асобы.

Для рэгістрацыі неабходна да 14 верасня запоўніць кароткую заяву:

Колькасць удзельнікаў абмежавана.

Кантактны тэлефон: +375 44 721 22 56.

Бабруйская епархія / Church.by