Пошук

Лізавецінскі манастыр запрашае на семінар «Шлюбныя сустрэчы»

10 лістапада 2017

Закрыты семінар «Шлюбныя сустрэчы» пройдзе з 19 па 21 мая ў Мінску ў Паломніцкім цэнтры Лізавецінскага манастыра.

Для каго гэты семінар?

У працы семінара могуць удзельнічаць усе сямейныя пары незалежна ад узросту і стажу шлюбнага жыцця. Праграма пабудавана такім чынам, што ў ёй павінны прымаць удзел абодва. Запрашаюцца ўсе пары (з добрай сітуацыяй і тыя, што перажываюць крызіс), якія жадаюць лепш разабрацца ў сваіх адносінах і абнавіць іх. Дзяцей на час правядзення заняткаў рэкамендуецца пакінуць дома з роднымі людзьмі.

Прынцыпы работы

Сустрэчу ў Мінску арганізуе клірык мінскага храма святога апостала Андрэя Першазванага протаіерэй Уладзімір Шэйдак разам з жонкай Інай. Як шлюбная пара айцец Уладзімір і матушка Іна прымаюць удзел у рабоце Праваслаўнага епархіяльнага цэнтру «Шлюбныя сустрэчы» ў Санкт-Пецярбургу, заснаванага протаіерэем Аляксандрам Дзягілевым. Атрыманы вопыт і жаданне дапамагчы іншым падштурхнулі іх на правядзенне аналагічнай працы ў Мінску.

Праграма

Праграма ўключае дванаццаць тэматычных сустрэч. Яна дапамагае мужу і жонцы лепш зразумець пачуцці адзін аднаго, а таксама вучыць будаваць дыялог у сям'і і знаходзіць выхады з канфліктных сітуацый.

Праца семінара пачнецца ў пятніцу 24 лістапада ў 19:00 і завершыцца ў нядзелю 26 лістапада каля 16:00.

Прадугледжаны вячэрняе богаслужэнне ў суботу ўвечары і Бажэственная літургія ў нядзелю раніцай. Ніхто з удзельнікаў не будзе прымушацца да ўдзелу ў рэлігійных таінствах і абрадах, але яны павінны быць згодныя з удзелам праваслаўнага свяшчэнніка ў працы семінара і з хрысціянскай асновай праграмы семінара.

Удзельнікі семінара забяспечваюцца камфартабельным жыллём і трохразовым харчаваннем. У суботу ўвечары запланавана чаяванне, таму ўсім прапануецца ўзяць што-небудзь да агульнага чайнага стала.

Размяшчэнне ўдзельнікаў пачнецца 24 лістапада з 15:00.

Умовы ўдзелу

Рэкамендуемая сума ахвяравання ад сямейнай пары (2 чалавекі) — 195 беларускіх рублёў. Праца семінара носіць дабрачынны характар, і ўдзельнікі ўносяць ахвяраванне на пражыванне і харчаванне, а таксама накладныя выдаткі арганізацыі.

Жадаючым забраніраваць месца неабходна пералічыць суму 50% ад агульнага кошту. Колькасць удзельнікаў семінара абмежавана.

Рэквізіты для безнаяўнага разліку: Свята-Лізавецінскі манастыр Мінскай епархіі Беларускай Праваслаўнай Царквы.

Р/р 3015003945011 у «Приорбанк» ААТ ЦБУ 101

г. Мінск, код 749, г. Мінск, вул. Ціміразева, 65А

УНН 600684609

Прызначэнне плацяжу: ахвяраванне на манастыр. 

Кантактная інфармацыя

Паломніцкі цэнтр Свята-Лізавецінскага манастыра знаходзіцца побач з храмавым комплексам па адрасе: г. Мінск, вул. Выгоцкага, 1а.

Праезд на аўтобусах №№ 18, 26 ад станцыі метро «Плошча Перамогі».

Падрабязную інфармацыю аб семінары можна даведацца, звязаўшыся з протаіерэем Уладзімірам Шэйдакам па электронным адрасе suvstr@tut.by.

Свята-Лізавецінскі манастыр / Church.by