Пошук

Епіскап Бабруйскі Серафім сустрэўся з Апостальскім нунцыем у Беларусі

12 снежня 2018

8 снежня 2018 года па запрашэнню каноніка Андрэя Яркаўца, пробашча касцёла Беззаганнага Зачацця Найсвяцейшай Панны Марыі ў горадзе Бабруйску, епіскап Бабруйскі і Быхаўскі Серафім наведаў бабруйскую рымска-каталіцкую абшчыну.

У гэты дзень святую імшу ўзначаліў Апостальскі нунцый у Рэспубліцы Беларусь арцыбіскуп Габар Пінтэр, кіраўнік дыпламатычнага прадстаўніцтва Ватыкана ў Беларусі.

У набажэнстве прынялі ўдзел святары з Барысава, Нясвіжа і Асіповічаў. Канонік Андрэй Яркавец прывітаў арцыбіскупа Габар Пінтэра і епіскапа Серафіма і ўручыў ім кветкі.

Епіскапа Серафіма суправаджаў сакратар Бабруйскага епархіяльнага ўпраўлення, настаяцель Іверскага храма Бабруйска протаіерэй Сергій Каравінскі.

Бабруйская епархія / Church.by