Пошук

Х Іеранімаўскія чытанні адбыліся ў Мінскай духоўнай акадэміі

18 снежня 2020

14 снежня ў Мінскай духоўнай акадэміі прайшлі Х Іеранімаўскія чытанні — міжнародная канферэнцыя даследчыкаў Свяшчэннага Пісання, прысвечаная памяці Іераніма Стрыдонскага.

У канферэнцыі прынялі ўдзел даследчыкі з Масквы, Санкт-Пецярбурга, Мінска і Краснадара, выкладчыкі Санкт-Пецярбургскай духоўнай акадэміі, Мінскай духоўнай акадэміі, Беларускага дзяржаўнага ўніверсітэта, Інстытута тэалогіі БДУ, Мікола-Угрэшскай духоўнай семінарыі, Мінскага духоўнага вучылішча, магістранты і аспіранты Агульнацаркоўнай аспірантуры і дактарантуры і Мінскай духоўнай акадэміі.

Адкрываючы канферэнцыю, рэктар Мінскай духоўнай акадэміі, галоўны рэдактар біблейскага часопіса «Скрыжалі» архімандрыт Сергій (Акімаў) правёў прэзентацыю XIX і XX выпускаў часопіса і манаграфіі А. А. Тарасенкі «Пасланне Іакава. Галахічная энцыкліка Іерусалімскага епіскапа і яўрэйскі свет пачатку новай эры», апублікаванай у якасці дадатку да часопіса ў серыі «Манаграфіі па біблеістыцы».

Да ўдзелу ў канферэнцыі былі заяўлены:

• Данілаў Андрэй Уладзіленавіч, кандыдат багаслоўя, доктар філасофіі, загадчык кафедры рэлігіязнаўства Інстытута тэалогіі БДУ, выкладчык Мінскай духоўнай акадэміі (Мінск, Беларусь). «Антрапалагічныя погляды Філона Александрыйскага у яго тлумачэннях Старога Запавету»;
• Самкоў Міхаіл Віктаравіч, іерэй, кандыдат багаслоўя, старшы выкладчык кафедры біблеістыкі Мінскай духоўнай акадэміі (Мінск, Беларусь). «Герменеўтыка, кагнітыўныя навукі і біблейская экзэгетыка: магчымасці ўзаемадзеяння»;
• Юрэвіч Дзмітрый Віктаравіч, протаіерэй, кандыдат багаслоўя, загадчык кафедры біблеістыкі Санкт-Пецярбургскай духоўнай акадэміі (Санкт-Пецярбург, Расія). «Археалагічныя даследаванні шахты Уорэна і новая інтэрпрэтацыя 2 Цар 5:8)»;
• Сергій (Акімаў), архімандрыт, доктар тэалогіі, рэктар Мінскай духоўнай акадэміі, прафесар кафедры біблеістыкі і хрысціянскага веравучэння Інстытута тэалогіі БДУ (Мінск, Беларусь). «Экл. 1:1 у кантэксце пытання аб жанравай прыналежнасці кнігі Эклесіяста»;
• Бойка Аляксандр Уладзіміравіч, іерэй, магістр багаслоўя, аспірант Агульнацаркоўнай аспірантуры і дактарантуры, выкладчык Мінскага духоўнага вучылішча і Мінскай духоўнай акадэміі (Мінск, Беларусь). «Эклесіяст як прадстаўнік іудзейскай тэалагічнай адукацыі»;
• Сініла Галіна Веніямінаўна, кандыдат філалагічных навук, прафесар кафедры культуралогіі факультэта сацыякультурных камунікацый Беларускага дзяржаўнага ўніверсітэта (Мінск, Беларусь). «Праблема тэадыцэі ў кнізе Іава»;
• Нарэйка Святлана Леанідаўна, настаўнік АПК у СШ №44 імя Якуба Коласа г. Мінска (Мінск, Беларусь). «Біблейскія каштоўнасці як аснова фарміравання духоўна здаровай асобы на ўроках "Асновы праваслаўнай культуры" ў агульнаадукацыйных школах»;
• Сарокін Аляксей Мікалаевіч, іерэй, кандыдат багаслоўя, кандыдат біялагічных навук, старшы навуковы супрацоўнік Галоўнага батанічнага саду імя М. В. Цыцына РАН, прарэктар па вучэбнай рабоце Мікола-Угрэшской духоўнай семінарыі (Масква, Расія). «Зелянеючы кіпарыс» (Ас. 14:9): Батанічнае значэнне і тлумачэнне вобраза»;
• Зыкаў Уладзімір Станіслававіч, іерэй, Аспірант Агульнацаркоўнай аспірантуры і дактарантуры, клірык жаночага манастыра ў гонар іконы Божай Маці «Усецарыца» г. Краснадара (Краснадар, Расія). «Эпілог Евангелля ад Іаана ў святаайцоўскай літаратуры»;
• Грыцэвіч Уладзімір Дзмітрыевіч, іерэй, магістрант 2 курса Мінскай духоўнай акадэміі (Мінск, Беларусь). «Спецыфіка разумення тэрміна «δικαιοσύνη» у тэкстах Новага Запавету»;
• Балахоўскі Мікалай Іванавіч, протаіерэй, кандыдат багаслоўя, дацэнт Мінскай духоўнай акадэміі і кафедры багаслоўя Інстытута тэалогіі БДУ. «Апостал Павел і рымскае грамадзянства (Дзеі. 22:25-29)»;
• Нічыпарук Іван Багданавіч, Аспірант 1 года навучання Мінскай духоўнай акадэміі (Мінск, Беларусь). «Прынцыпы літургічнай герменеўтыкі. Прыклады літургічнага тлумачэння тэкстаў»;
• Мурэня Глеб Уладзіміравіч, Аспірант 2 года навучання Мінскай духоўнай акадэміі (Мінск, Беларусь). «Канцэпцыя старазапаветнага свяшчэнства згодна з кнігай Быцця»;
• Куцкевіч Аляксей Аляксандравіч, магістрант 2 курса Мінскай духоўнай акадэміі (Мінск, Беларусь). «Пяцікніжжа і старажытнаегіпецкая цывілізацыя: гістарыяграфія пытання»;
• Жук Андрэй Мікалаевіч, Аспірант 3 года навучання Мінскай духоўнай акадэміі (Мінск, Беларусь). «Крыніцы "Іудзейскіх старажытнасцяў" Іосіфа Флавія».

Выступленні ўдзельнікаў прагучалі як у вочнай, так і ў аддаленай форме.

Кіраўнікамі пасяджэння выступілі архімандрыт Сергій (Акімаў) і іерэй Міхаіл Самкоў.

Даклады ўдзельнікаў канферэнцыі будуць апублікаваны ў біблейскім часопісе «Скрыжалі» і ў зборніку студэнцкіх навуковых прац па біблеістыцы «Лабараторыум Біблікум» у 2021 годзе.

МінДА / Church.by