III чытанні памяці протаіерэя Іаана Грыгаровіча адбыліся ў Мінскай духоўнай акадэміі
13 чэрвеня 2019
13 чэрвеня 2019 года ў Мінскай духоўнай акадэміі прайшла навукова-практычная канферэнцыя «III чытанні памяці протаіерэя Іаана Грыгаровіча (1792-1852): гісторыка, археографа, археолага».
Арганізатарам форуму выступіла кафедра царкоўнай гісторыі і царкоўна-практычных дысцыплін Мінскай духоўнай акадэміі.
Праца канферэнцыі пачалася пленарным пасяджэннем, у пачатку якога прарэктар па навуковай рабоце, загадчык кафедры царкоўнай гісторыі і царкоўна-практычных дысцыплін акадэміі дацэнт А. В. Слесараў прадставіў удзельнікам форуму зборнік матэрыялаў навукова-практычнай канферэнцыі «II чытанні памяці протаіерэя Іаана Грыгаровіча (1792-1852): гісторыка, археографа, археолага», якая праходзіла ў сценах акадэміі 10 мая 2018 года.
Далей у рамках Чытанняў прайшлі тэматычныя секцыі «Праваслаўная Царква на беларускіх землях у X-пачатку XX стагоддзя», «Руская Праваслаўная Царква ў савецкі перыяд» і «Багаслоўска-літургічная традыцыя Праваслаўнай Царквы».
У працы форуму прынялі ўдзел 30 дакладчыкаў, якія прадстаўлялі багаслоўскія навучальныя ўстановы Беларускай Праваслаўнай Царквы і дзяржаўныя вышэйшыя навучальныя ўстановы Рэспублікі.
Па выніках канферэнцыі мяркуецца выпуск зборніка матэрыялаў у выдавецтве Мінскай духоўнай акадэміі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
