Пошук

Інстытут тэалогіі БДУ аб'яўляе набор абітурыентаў на 2020/2021 навучальны год

26 чэрвеня 2020

УА «Інстытут тэалогіі імя святых Мяфодзія і Кірыла» Беларускага дзяржаўнага ўніверсітэта аб'яўляе набор абітурыентаў на 2020/2021 навучальны год.

Інстытут створаны па ініцыятыве Міністэрства адукацыі Рэспублікі Беларусь і Беларускай Праваслаўнай Царквы.

У Інстытуце рыхтуюць спецыялістаў першай ступені вышэйшай адукацыі па спецыяльнасці «Тэалогія» (кваліфікацыя: «Тэолаг-рэлігіязнаўца. Выкладчык грамадазнаўчых дысцыплін») і другой ступені вышэйшай адукацыі (магістратура) па спецыяльнасці «Тэалогія» (акадэмічная ступень магістра тэалогіі). Тэрмін падрыхтоўкі спецыяліста па спецыяльнасці «Тэалогія» дзённай формы навучання складае 4 гады, па спецыяльнасці «Тэалогія» другой ступені вышэйшай адукацыі дзённай формы навучання — 1 год і 8 месяцаў.

Сферамі прафесійнай дзейнасці спецыяліста па спецыяльнасці «Тэалогія» з'яўляюцца: адукацыя, навука, культура, Дзяржаўнае кіраванне, дзейнасць грамадскіх і рэлігійных арганізацый (аб'яднанняў).

Адукацыйная праграма падрыхтоўкі спецыяліста па спецыяльнасці «Тэалогія» прадугледжвае вывучэнне студэнтамі наступных цыклаў дысцыплін: гуманітарнай, філалагічнай, псіхолага-педагагічнай, тэалагічнай і рэлігіязнаўчай падрыхтоўкі.

Для паступлення ў Інстытут тэалогіі неабходна здаць цэнтралізаваныя тэсціраванні па наступных прадметах:
- Гісторыя Беларусі
- грамадазнаўства
- руская або беларуская мова (на выбар абітурыента)

Абавязковым дакументам для абітурыента з'яўляецца пісьмовая рэкамендацыя парафіяльнага святара (кіраўніка рэлігійнай абшчыны) з пячаткай парафіі (рэлігійнай арганізацыі). Рэкамендацыя пішацца ў вольнай форме.

Кошт платнай формы навучання складае 1490 беларускіх рублёў. Аплата для замежных грамадзян складае 2463 беларускія рублі.

75 % іншагародніх студэнтаў забяспечваюцца інтэрнатам БДУ.

Прыём дакументаў на бюджэт ажыццяўляецца з 25 па 31 ліпеня, на платнае навучанне — з 25 ліпеня па 15 жніўня.

Магістратура
Тэрмін навучання — 1 год 8 месяцаў;
Колькасць месцаў: на бюджэтную форму навучання — 2 месцы;
на платную форму навучання — 5 месцаў.

Прыём дакументаў у магістратуру ажыццяўляецца з 27 чэрвеня па 4 ліпеня з 9.00 да 18.00 (у суботнія дні з 9.00 да 15.00) па адрасе: г. Мінск, праспект Незалежнасці, д. 24, каб. 303, тэл.: +375 17 378-61-23.

Уступны экзамен адбудзецца 7 ліпеня ў 10.00 па адрасе: г. Мінск, праспект Незалежнасці, д. 24, аўдыторыя 307.

Праграма ўступных экзаменаў, пералік дакументаў, якія прадстаўляюцца ў прыёмную камісію, і іншыя пытанні падрабязна асветлены ў раздзеле «Магістранту» на сайце Інстытута. Кошт платнай формы навучання ў магістратуры складае 1300 беларускіх рублёў.

Тэлефон для даведак:
8 (017) 379-64-33

Асабісты кабінет абітурыента abiturient.bsu.by

Інстытут тэалогіі / Church.by