Пошук

Выдавецтва МінДС выпусціла каментарый на Першае і Другое пасланні апостала Пятра

09 лістапада 2017

Выдавецтва Мінскай духоўнай семінарыі выпусціла новую кнігу выкладчыка іераманаха Яўстафія (Халіманкова) — «Экзэгетычны каментарый на Першае і Другое пасланні апостала Пятра».

Кніга з'яўляецца навучальным дапаможнікам для студэнтаў 2-га курса бакалаўрыяту Мінскай духоўнай семінарыі. У падборы крыніц для каментарыя быў прыняты комплексны падыход, які спалучае тлумачэнні святых айцоў і дасягненні сучаснай біблейскай экзэгезы.

Выданне ажыццёўлена па благаславенню рэктара Мінскай духоўнай семінарыі архіепіскапа Навагрудскага і Лідскага Гурыя і не прызначана для распаўсюджвання праз сістэму царкоўнага кнігагандлю. Рэкамендавана кафедрай біблеістыкі Мінскай духоўнай семінарыі (пратакол № 18 ад 18.06.2017 г.).

Адказны за выданне — прарэктар па навуковай рабоце Мінскіх духоўных акадэміі і семінарыі дацэнт А. В. Слесараў.

Тыраж: 99 асобнікаў.

МінДС / Church.by