Кіналекторый «Прывіды цара Ірада ў сучасным грамадстве» прайшоў у Чашніках

27 лістапада 2017

top.jpg

У рамках міжнароднай акцыі «Тыдзень за жыццё — Міхайлаўскія дні — 2017» у гарадскім доме культуры горада Чашнікі адбыўся кіналекторый «Прывід цара Ірада ў сучасным грамадстве». У мерапрыемстве прынялі ўдзел 170 вучняў 8-11 класаў з трох гарадскіх школ.

Аб шкодзе абортаў як з фізічнага, так і з духоўнага боку дзецям распавялі благачынны Чашніцкай акругі протаіерэй Уладзімір Каляда, урач-акушэр-гінеколаг гарадской бальніцы Жанна Васільеўна Кошалева, дырэктар нядзельнай школы Таццяна Анатольеўна Плаўнік.

Падборку відэаматэрыялу падрыхтавалі сёстры міласэрнасці прыхода храма Праабражэння Гасподняга горада Чашнікі.

Кіналекторый завяршыўся малітвай да Прасвятой Багародзіцы.

Віцебская епархія / Church.by