Клірыкі Свята-Троіцкага храма ў Бараўлянах уручылі велікодныя падарункі людзям з інваліднасцю
28 красавіка 2018
27 красавіка 2018 года клірыкі Свята-Троіцкага прыхода ў аграгарадку Бараўляны сумесна са спецыялістамі Тэрытарыяльнага цэнтра сацыяльнага абслугоўвання насельніцтва Цэнтральнага раёна горада Мінска павіншавалі са Святой Пасхай людзей з асаблівасцямі псіхафізічнага развіцця, якія наведваюць цэнтр.
Падапечным ТЦСАН былі ўручаны прадуктовыя наборы.
Дагавор аб супрацоўніцтве і партнёрстве ТЦСАН Цэнтральнага раёна і Свята-Троіцкага прыхода быў заключаны ў студзені 2016 года. Дакумент падпісалі настаяцель Свята-Троіцкага прыхода протаіерэй Андрэй Круцялёў і дырэктар ТЦСАН Іна Герасімава. План супрацоўніцтва прадугледжвае сумесную інфармацыйна-асветніцкую дзейнасць па пытаннях сям'і, шлюбу, выхавання дзяцей. Па запытах грамадзян на базе ТЦСАН будуць праводзіцца духоўныя гутаркі. Прадугледжана магчымасць правядзення дабрачынных акцый, у тым ліку прымеркаваных да царкоўных святаў, а таксама магчымасць сустрэч клірыкаў з рознымі катэгорыямі падапечных ТЦСАН: бяздомнымі, сіротамі, бацькамі маладых інвалідаў. Таксама плануецца, што святары будуць праводзіць сустрэчы з удзельнікамі клубаў аддзялення для пажылых людзей, а пры неабходнасці — выязджаць да іх на дом для здзяйснення Таінстваў.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
