Каўчэг з часцінкай мошчаў святога дабравернага князя Аляксандра Неўскага прынесены ў горад Гомель [+праграма далейшага знаходжання святыні ў гарадах Беларусі]
22 ліпеня 2021
Гомельскія вернікі 22 ліпеня 2021 года ў Петра-Паўлаўскім кафедральным саборы горада Гомеля сустрэлі вялікую святыню — каўчэг з часцінкай мошчаў святога дабравернага князя Аляксандра Неўскага.
Сустрэчу ўзначаліў Высокапраасвяшчэннейшы Сцяфан, архіепіскап Гомельскі і Жлобінскі сумесна з Праасвяшчэннейшым Амвросіем, епіскапам Светлагоскім, вікарыем Гомельскай епархіі, з духавенствам епархіі і шматлікай паствай.
Затым архіпастыры у саслужэнні духавенства здзейснілі акафісны спеў святому дабравернаму князю Аляксандру Неўскаму.
23 ліпеня на плошчы кафедральнага сабора адбудзецца саборнае служэнне Бажэственнай літургіі, якую ўзначаліць архіепіскап Гомельскі і Жлобінскі Сцяфан.
Каўчэг з мошчамі святога будзе даступны для малітоўнага пакланення вернікаў у Петра-Паўлаўскім кафедральным саборы да 24 ліпеня, далей святыня будзе дастаўлена ў горад Магілёў.
Прынясенне мошчаў праходзіць па благаславенню Свяцейшага Патрыярха Маскоўскага і ўсяе Русі Кірыла і прымеркавана да 800-годдзя з дня нараджэння выдатнага палкаводца і падзвіжніка веры Хрыстовай святога дабравернага князя Аляксандра Неўскага.
Праграма прынясення каўчэга з мошчамі святога дабравернага князя Аляксандра Неўскага ў епархіі Беларускага Экзархату з 24 ліпеня па 2 жніўня
Магілёў: з 24.07 па 26.07
Бабруйск: з 26.07 па 28.07
Барысаў: з 28.07 па 30.07
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
