Рус / Бел

Міжнародная канферэнцыя «Соцыум і хрысціянства» прайшла на базе Мінскай духоўнай акадэміі

27 студзеня 2018

top.jpg

27 студзеня 2018 года ў Мінскай духоўнай акадэміі адбылася II Міжнародная навукова-практычная канферэнцыя «Соцыум і хрысціянства», у якой прынялі ўдзел навукоўцы з Беларусі, Расіі і Грузіі.

Арганізатарамі навуковага форуму выступілі: Мінская духоўная акадэмія; Беларускі дзяржаўны ўніверсітэт (кафедра міжнароднага менеджменту, кафедра тэарэтычнай і інстытуцыянальнай эканомікі эканамічнага факультэта); Еўрапейская даследчая асацыяцыя «Oikonomos»; грамадскае дабрачыннае аб'яднанне «Цэнтр падтрымкі сям'і і мацярынства «Матуля».

У канферэнцыі прынялі ўдзел прадстаўнікі Мінскай духоўнай акадэміі, выкладчыкі і студэнты шэрагу ВНУ Беларусі.

Перад пачаткам канферэнцыі ў акадэмічным храме была здзейснена паніхіда па нявінна забітых у ходзе Другой сусветнай вайны, прымеркаваная да 74-й гадавіны поўнага вызвалення Ленінграда ад фашысцкай блакады.

Удзельнікаў віталі: першы прарэктар Акадэміі протаіерэй Уладзімір Далгаполаў; доктар эканамічных навук, кандыдат багаслоўя дыякан Канстанцін Голубеў; член праўлення АБ «Цэнтр падтрымкі сям'і і мацярынства «Матуля», старэйшы выкладчык кафедры псіхалогіі і кіравання Мінскага абласнога інстытута развіцця адукацыі Ларыса Мартынава.

— Калі соцыум будзе аддаляцца ад хрысціянства, нічога добрага яго не чакае, аб чым сведчыць сучасная гісторыя шэрагу еўрапейскіх краін, — падкрэсліў у звароце да прысутных загадчык кафедры міжнароднага менеджменту эканамічнага факультэта БДУ, доктар эканамічных навук, старшыня асацыяцыі «Oikonomos» Сяргей Лукін.

Свае даклады прадставілі:  

  • доктар эканамічных навук, прафесар, загадчык кафедры эканамічнай тэорыі эканамічнага факультэта СПбДУ Віктар Разанаў — «Індустрыя 4.0: магчымасці і наступствы новай тэхналагічнай рэвалюцыі»;
  • доктар эканамічных навук, прафесар, загадчык кафедры гісторыі эканомікі і эканамічнай думкі эканамічнага факультэта СПбДУ Аляксандр Дубянскі — «Лічбавыя грошы ў сучаснай эканоміцы»;
  • доктар эканомікі, прафесар, дырэктар Інстытута рэгіянальнага развіцця і стратэгічнага кіравання (Грузія) Надар Грдзелішвілі — «Гаючыя крыніцы святых месцаў Грузіі як аб'ект развіцця рэлігійнага турызму»;
  • намеснік дырэктара па вучэбнай рабоце ДУА «Вілейская гімназія № 2» Мікалай Іваненка — «Сацыяльна-эканамічныя праблемы грамадства праз прызму хрысціянскіх каштоўнасцяў: педагагічны курс».

Пасля завяршэння пленарнага пасяджэння работа канферэнцыі працягнулася ў секцыях.

МінДА / Church.by