Пошук

Мінская духоўная семінарыя запрашае на Велікодныя багаслоўскія курсы

30 сакавіка 2023

З 17 па 22 красавіка 2023 года па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, Мінская духоўная семінарыя ў вочным фармаце правядзе Велікодныя багаслоўскія курсы. Яны арыентаваны на студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх, якія жадаюць павысіць узровень сваіх ведаў у галіне праваслаўнага багаслоўя.

Асаблівасці курсаў:

• Лекцыі праводзяцца выкладчыкамі Мінскай духоўнай семінарыі і акадэміі.
• Тэматыка лекцый чаргуецца.
• Курсы ўключаюць лекцыі рознага ўзроўню складанасці: як для тых, хто толькі пачынае пазнаваць Праваслаўе, так і для ўжо уцаркоўленых людзей, якія жадаюць дапоўніць або паглыбіць веды.
• Інтэрактыўнасць: у канцы кожнай лекцыі выкладчыкі абмяркоўваюць тэму лекцыі са слухачамі, а таксама адказваюць на пытанні.

Расклад багаслоўскіх курсаў уключае ў сябе наступныя прадметы:

• багаслоўе Старога Запавету;
• багаслоўе Новага Запавету;
• багаслоўе велікодных набажэнстваў Праваслаўнай Царквы;
• багаслоўе пасланняў апостала Паўла;
• асновы хрысціянскай маральнасці;
  пытанні свяшчэнніцкага душпастырства;
• маральнае багаслоўе;
• сектазнаўства;
• патралогія;
• гісторыя Беларускай Праваслаўнай Царквы;
• літургіка;
• царкоўныя спевы;
• рыторыка.

Акрамя лекцыйнай нагрузкі, праграма курсаў прадугледжвае наведванне набажэнстваў, правядзенне экскурсій, прагляд кінафільмаў з іх наступным абмеркаваннем. Па завяршэнні навучання слухачам выдаецца сертыфікат, які пацвярджае іх удзел у працы багаслоўскіх курсаў.

Жадаючыя прайсці навучанне павінны запоўніць анкету. Пасля запаўнення анкеты будуць высланы форма прашэння і прыклад рэкамендацыі прыходскага святара. Апошні дзень прыёму дакументаў – 13 красавіка 2023 года.

Слухачы курсаў забяспечваюцца пражываннем і харчаваннем. Колькасць месцаў для ўдзелу ў багаслоўскіх курсах абмежавана. Расклад заняткаў і дадатковая інфармацыя аб навучанні будзе паведамлена ўсім удзельнікам з дапамогай электроннай пошты ці праз Viber.

Па пытаннях, звязаных з рэгістрацыяй, варта звяртацца па нумары тэлефона: +375 29 587-66-81 (Viber), institutvera@gmail.com  – Вера Віктараўна.

МінДС/Сhurch.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники