Рус / Бел

Мінская духоўная семінарыя запрашае на заняткі Летняга багаслоўскага інстытута

07 чэрвеня 2021

top.jpg

З 28 чэрвеня па 3 ліпеня 2021 года па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, на базе Мінскай духоўнай семінарыі ў анлайн-рэжыме будуць праходзіць заняткі Летняга багаслоўскага інстытута (ЛБІ).

Заняткі ў ЛБІ арыентаваны на святароў, студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх, хто жадае павысіць узровень сваіх ведаў у галіне праваслаўнага багаслоўя.

Праграма інстытута ўключае ў сябе інтэнсіўны курс лекцый па цэлым шэрагу дысцыплін, якія будуць весці выкладчыкі Мінскіх духоўных семінарыі і акадэміі, а таксама практыкуючыя спецыялісты ў галіне багаслоўя.

Расклад Летняга багаслоўскага інстытута ўключае ў сябе наступныя прадметы:

  • Багаслоўе Новага Запавету
  • Багаслоўе пасланняў Апостала Паўла
  • Экзэгетыка Свяшчэннага Пісання Старога Запавету
  • Дагматычнае багаслоўе
  • Сучаснае багаслоўе
  • Гісторыя Беларускай Праваслаўнай Царквы
  • Гісторыя Рускай Праваслаўнай Царквы
  • Гісторыя Памесных Праваслаўных Цэркваў
  • Гісторыя праваслаўнага богаслужэння
  • Патралогія
  • Старажытнагрэчаская мова
  • Апалагетыка
  • Расколазнаўства
  • Місіялогія
  • Рыторыка
  • Багаслоўе практычнага іканапісання

Час заняткаў: у буднія дні з 09.00 па 19.00, у суботу з 09.00 па 15.00. Заняткі будуць праходзіць дыстанцыйна на платформе Zoom. Па завяршэнні навучання слухачам ЛБІ выдаецца сертыфікат, які пацвярджае іх удзел у рабоце Летняга багаслоўскага інстытута.

Жадаючыя прайсці навучанне на Летнім багаслоўскім інстытуце павінны запоўніць прашэнне і анкету, формы якіх будуць накіраваныя на асабістую электронную пошту, і выслаць іх не пазней за 26 чэрвеня 2021 года ў Мінскую духоўную семінарыю.

Колькасць месцаў для ўдзелу ў Летнім багаслоўскім інстытуце абмежавана. Расклад заняткаў і дадатковая інфармацыя аб навучанні будзе паведамлена ўсім удзельнікам з дапамогай электроннай пошты ці праз Viber.

Па пытаннях, звязаных з рэгістрацыяй, трэба звяртацца па нумары тэлефона:

+375 29 702-29-86 (Viber) – Мікалай Алегавіч Бусько.

МінДС / Church.by