Мітрапаліт Павел узначаліў чарговае пасяджэнне камісіі Міжсаборнай прысутнасці па царкоўнай асвеце і дыяканіі
30 сакавіка 2018
29 сакавіка 2018 года ў гісторыка-культурным праваслаўным цэнтры «Адкрыццё» ў Маскве адбылося пасяджэнне камісіі Міжсаборнай прысутнасці Рускай Праваслаўнай Царквы па царкоўнай асвеце і дыяканіі. Работу пасяджэння ўзначаліў мітрапаліт Мінскі і Заслаўскі Павел, Патрыяршы Экзарх усяе Беларусі.
У ходзе абмеркавання было закранута пытанне аб магчымасці прыняцця Хрышчэння з захаваннем нацыянальнага імя. Члены камісіі вывучылі праект, і па выніках абмеркавання было вырашана прыняць дакумент пасля ўнясення ў яго прапанаваных правак.
Таксама абмяркоўвалася пытанне аб прынцыпах і метадах місіі сярод карэнных і малалікіх народаў Расіі і іх пастырскае акармленне.
У пасяджэнні прынялі ўдзел: старшыня Выдавецкага Савета Рускай Праваслаўнай Царквы мітрапаліт Калужскі і Бораўскі Клімент, архіепіскап Пяцігорскі і Чаркескі Феафілакт, старшыня Сінадальнага аддзела па царкоўнай дабрачыннасці і сацыяльнаму служэнню епіскап Арэхава-Зуеўскі Панцеляіман, старшыня Сінадальнага аддзела па справах моладзі епіскап Любярэцкі Серафім, іншыя члены Камісіі і запрошаныя эксперты.
Ад Сінадальнага аддзела рэлігійнай адукацыі і катэхізацыі ўдзел у рабочай сустрэчы прынялі намеснік старшыні ігумен Мітрафан (Шкурын) і кіраўнік апарата протаіерэй Аляксандр Прыткоў.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
