Мітрапаліт Веніямін здзейсніў Бажэственную літургію ў храме святога велікамучаніка Георгія Перамаганосца ў аграгарадку Залужжа
31 ліпеня 2021
31 ліпеня 2021 года, у сядміцу 6-ю пасля Пяцідзесятніцы, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Слуцкай епархіі, у саслужэнні епіскапа Бабруйскага і Быхаўскага Серафіма здзейсніў Бажэственную літургію ў храме святога велікамучаніка Георгія Перамаганосца ў аграгарадку Залужжа Старадарожскага благачыння.
Архіпастырам саслужылі: благачынны 3-й Мінскай гарадской акругі, настаяцель прыхода храма святога дабравернага князя Аляксандра Неўскага горада Мінска протаіерэй Мікалай Коржыч; сакратар Слуцкай епархіі протаіерэй Ігар Штэпа; сакратар Бабруйскай епархіі протаіерэй Сергій Каравінскі; благачынны Старадарожскай акругі протаіерэй Ігар Кручко; настаяцель храма святога велікамучаніка Георгія Перамаганосца протаіерэй Аляксандр Пігаль.
Падчас богаслужэння былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай пошасці.
Дыяканскі чын узначаліў дыякан Ігар Мартыс.
Богаслужэбныя спевы выканаў хор храма пад кіраваннем іерэя Паўла Штэпы.
Пропаведзь перад Прычасцем прамовіў іерэй Мікіта Баскакаў.
Па заканчэнні богаслужэння мітрапаліт Веніямін звярнуўся да прыхаджан і духавенства храма са словам навучання.
Затым уладыка Экзарх павіншаваў настаяцеля храма з 50-годдзем і ўручыў яму медаль «Патрыяршая падзяка» і абраз дабравернага Аляксандра Неўскага. Асабліва папрацаваўшыя ў славу Царквы Хрыстовай парафіяне былі адзначаны ўзнагародамі Беларускай Праваслаўнай Царквы.
На заканчэнне архіпастыр павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
