Пошук

Мітрапаліт Веніямін здзейсніў у сталічным храме Опцінскіх старцаў Літургію і адпяванне мецэната Валерыя Шумскага

12 лістапада 2020

12 лістапада 2020 года мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў памінальную Бажэственную літургію ў храме прападобных Опцінскіх старцаў парафіі прападобнага Серафіма Сароўскага ў горадзе Мінску.

Патрыяршаму Экзарху саслужылі: настаяцель прыхода, благачынны 7-й Мінскай гарадской акругі протаіерэй Аляксандр Шырытон і клірыкі прыхода.

Богаслужэбныя спевы выканаў парафіяльны хор пад кіраўніцтвам Кацярыны Смаляк.

За Літургіяй былі ўзнесены асаблівыя малітоўныя прашэнні аб вызваленні ад шкоднай пошасці і дараванні міру беларускаму народу.

Па завяршэнні Літургіі ўладыка Веніямін узначаліў адпяванне мецэната Валерыя Шумскага, які памёр напярэдадні. Валерый Канстанцінавіч быў арганізатарам штогадовага прынясення Благадатнага агню ад Гроба Гасподняга ў Беларусь, а таксама святынь для пакланення, аказваў падтрымку прыходам і манастырам, дапамогу людзям, якія жывуць у нястачы. Выказаўшы шчырыя спачуванні ўдаве, сваякам і сябрам спачылага, Яго Высокапраасвяшчэнства прамовіў слова суцяшэння і ўзнёс Госпаду малітвы аб упакаенні новаспачылага раба Божага Валерыя ў Царстве Нябесным.

Church.by

Фотарэпартаж